संविधान सुसेलीहरू,दुर्गा अधिकारी भमरकोटे

संविधान सुसेलीहरू

तीन असोज
संविधान दिवस
हर्ष उल्लास ।

शुभकामना
मर्म संविधानको
पूरा गरन ।

नेपाली सान
हाम्रो मूल कानुन
यो संविधान ।

हाम्रो सान यो
संघर्षको उपाधि
संविधान हो ।

हल्ला व्यर्थमा
संविधान प्रयोग
निजी स्वार्थमा ।

संविधानको
अपव्याख्या नगर
हाम्रो मान हो ।

दुखी विचरा
संविधान कानुन
एक सहारा ।

सत्कर्म गर
संविधान पुर्याऊ
यो देशैभर ।

राजा रैतीमा
समानता नहुँदा
मान्छे कैदमा ।

परतन्त्रमा
स्वतन्त्रता हुदैन
कुनै मन्त्रमा ।

अब आको छ
जनताले खोजेको
न्याय पाको छ ।

संविधान यो
सहिदका सपना
पूरा हुने भो ।

यो संविधान
गरिब निमुखाको
गरोस् कल्याण ।

यो मूल मन्त्र
संविधान पाएर
हामी स्वतन्त्र ।

हैन आपत्ति
संविधान सबैको
बनोस् सम्पत्ति ।

दुर्गा अधिकारी भमरकोटे ।

फेसबुक प्रतिक्रिया

ताजा अपडेट

चर्चित

सम्बन्धित समाचार

लिंकहरु