शुक्रबार, साउन ८ २०८३ | Friday 24th July 2026 
जन आकाश
काठमाडौं । गायक भुपु लिम्बुको नयाँ गीत ‘धानको बाला’को म्युजिक भिडियो सार्वजनिक भएको छ। यो गीत नेपाली माटो र संस्कृति, साथै गहिरो मानवीय संवेदनालाई प्रस्तुत गर्दै मौलिक स्वाद र भावनात्मक अनुभूति दिएको छ ।
गीतका शब्द डीपी खनालले लेखेका छन् भने संगीत संयोजन, एरेन्ज र मिक्सिङ बादल लिम्बुले गरेका छन्। रेकर्डिङ मुन्धुम स्टुडियोमा गरिएको हो । यो गीतले नेपाली गाउँको जीवन र सम्बन्धलाई कला र संगीतको माध्यमबाट प्रस्तुत गरेको छ।
म्युजिक भिडियोलाई गायक भुपु लिम्बु र प्रतिना राईको अभिनयले समृद्ध बनाएको छ। भिडियोको छायांकन अरुण न्यौपानेले गरेका छन् र सम्पादन अनिल रानाले सम्हालेका छन्।
‘धानको बाला’ गीतले ग्रामीण जीवनका सुगन्ध, प्रेम र संवेदनालाई कलात्मक तरिकामा उजागर गरेको छ। यस गीतको म्युजिक भिडियो गायक लिम्बुको युट्युब च्यानलमार्फत सार्वजनिक गरिएको हो। गीतप्रेमीहरूलाई यस गीतले नयाँ र अनौठो अनुभव दिने अपेक्षा गरिएको छ।यो गीतले नेपाली संगीतको मौलिकता र सांस्कृतिक पहिचानलाई अझ स्पष्ट र बलियो बनाउन मद्दत गर्नेछ।
© 2026 All right reserved to janaaakash.com | Site By : SobizTrend
