दुर्गा अधिकारी (भमरकोटे )का दशै तिहार सुसेलीहरू

शुभकामना
छट दशै तिहार
पर्व माहान ।

छौ नि छनता
रक्षा गर माताले
हामी जनता ।

रक्षा गरन
नव दुर्गा भवानी
तिम्रो शरण ।

हाम्रो संस्कृति
चाडपर्व मनाउ
फालौं विकृति ।

नाचौ गाएर
तास जुवा नखेलौं
रक्सी खाएर ।

कौडी ठेलेर
हुन्न तिम्रो भलाइ
जुवा खेलेर ।

पिङ सरर
आकाशमा उडाउ
चङ्गा फरर ।

देवी कालीका
माता पिता ईश्वर
हाम्रा मालिक ।

टीका लाउला
मुल घर गएर
मिठो खाउला ।

दशै तिहार
शुभ रहोस् सबैको
घर सिँगार ।

शुभकामना
पैलो दिन चाडको
घटस्थापना ।

भोटो कछाड
सबैका घरमा छ
तंछाड्मछाड ।

बाबा आमाको
ससुराली जानुछ
टीका मामाको ।

किन आएन
भाइ परदेशमा
विदा पाएन ।

ठूलो जहान
कसोगरी टार्ने हो
पर्व महान ।

नानी भन्दैछन्
चिची पापा नानामा
अौंला गन्दैछन् ।

सधै लफडा
एक धरो लाउन
छैन कपडा ।

पैसा भए पो
मासु खाने कसरी
पन्ध्र सयको ।

दशै दशा भो
पन्ध्र सय किलोको
मासु खसीको ।

साहु पसले
पाइदैन उधारो
दिन्छ कसले ।

हुँदा दशै हो
नहुनेको घरमा
ठूलो दशा भो ।

साथीभाइले
रमाइलो दशैमा
गर्नुपर्छ रे ।

लत्ताकपडा
छोराछोरी करौंदै
गर्छन् झगडा ।

हान्छ कोर्राले
टि सर्ट र पाइन्ट
भन्छ छोराले ।

खान आँ गर
छोरी भन्छे घाँगर
छैन जाँगर ।

मेरो यो गति
दशैमा केही गर्नुस्
भन्छिन् श्रीमती ।

चुरा हरिया
ल्याइ दिनु बुढाले
चोलो फरिया ।

जातै फालेर
लाउँदैछु फरिया
सधै टालेर ।

मिल्दैन कि खै
गुन्यु चोली दशैमा
ल्याइदिनुस् है ।

मैले के गरौँ
यसपालि दशैमा
बाँचौ कि मरौं ।

छैन सम्पत्ति
चाडपर्व आउदा
सधैं बिपत्ति ।

दिनुस् सिरौंला
काँक्रा फर्सी घिरौंला
पैंचो तिरौंला ।

खल्ती सुकाए
आडम्बरी पर्वले
ऋण बोकाए ।

रोग सर्छ कि
यै निहुँमा यो पल्ट
दशै टर्छ कि ।

कुरा नढाँटौ
खुसियाली बाँडौ है
रोग नसाटौं ।

दशै भन्दामा
कोरोनाको फन्दामा
फेरि बन्दमा ।

भय रोगको
धन्यवाद कोरोना
तेरो क्षय हो ।

थेगौं संस्कृति
परंपरा नछोडौं
फालौं विकृति ।

टीका जमरा
यसपालि चाडमा
लाग्यो धमिरा ।