हनुमन्तेश्वर मा .बि.ले  विदाको समयमा अविभावकहरुलाई पठायो यस्तो सन्देश

त्यस्तै राम्रो उदारणहरुवाट प्रेरित भएर दोलखाको उत्कृस्ट विद्यालय हनुमन्तेश्वर मा .वि .ले विदाको समयमा बिद्यार्थीहरुका अविभावकलाई सन्देशमुलक अनुरोध गरि उत्कृष्ट कार्य गर्ने प्रयास गरेको छ । अभिभावकहरुमा बिद्यालयले गरेको अनुरोध यस्तो रहेको छ ।
-आफुभन्दा ठुला र साना मानिस संग गरिने व्यवहार,आदर, सम्मान र माया गर्न सिकाउनुहोस । साथै सहि र गलत छुट्याउन सिकाउनुहोस् ताकि उनिहरुमा निर्णय लिने क्षमताको विकास होस ।

-वालवालिकाहरुलाई समयको कदर गर्न सिकाउनुहोस् । जिवनमा अगाडि बढ्नको लागि समयको महत्व बुझ्न् एकदमै जरुरि हुन्छ । आफ्नो काम प्रति निष्ठावान् र इमान्दार बन्न सिकाउनुहोस् ताकि लापरवाहिले काम गर्ने बानिको अन्त्य होस् ।

-घरमा संगै बसेर खाना खाने समयमा किसानको कर्म र परिस्रम बारे बुझाउदै खाना खेर फाल्नु हुदैन भन्ने कुरा सिकाउनुहोस् ।

-आफ्नो घरमा व्यवहारिक कुराहरु जस्तै सरसफाई गर्न, खानाखाजा खाएको थाल/प्लेट सफा गर्न लगाउनुहोस् जसबाट समाजको र कामको मुल्य बुझ्न सकुन ।

-भान्छामा आमाबुवा लाई तरकारी काट्न, फलफुल काट्न र पकाउन सहयोग गर्न भन्नुहोस ।
-कहिलेकाहि नानिबाबुहरुलाई काम गर्ने ठाउमा लगी तपाईले आफ्नो परिवारको लागि कति कडा परिस्रम गरिरहनु भएको छ बुझ्न दिनुहोस ।

-नानिबाबुहरुलाई अनुभव पनि गर्न दिन बाहिर खेल्न, फोहोरि हुन दिनुहोस् जसले आरामदायि कोठाको अल्छि स्वभाव हटोस् ।

-प्रकृति ज्ञानको भण्डार हो । नानिबाबुहरुलाई प्रकृति सग खेलेर रमाउन दिनुहोस् ताकि नानिबाबुहरुलाई सिर्जनात्मक कुरा गर्न , वास्तविकता महशुस गर्न र अनुभव गर्न सकुन् । नानिबाबुहरुले अनुभव गरेका कुराहरु लेख्न पनि लगाउनुहोस् ।

-नानिबाबुहरुलाई मोबाइल ,कम्प्युटर र बिधुतिय उपकरणहरुलाई प्रयोग गर्न दिइ IT सिकाइ संग जोड्नुहोस् साथै आफु अगाडि् बसेर प्रयोग गर्न दिनुहोस् । ताकि Pubg, free-fire, video, facebook,cartoon, tiktok र yoy-tube को चरम दुरुपयोग गरि सिर्जनशिलता,उसको स्मरण शक्तिमा असर नपुगोस ।

-आजकलका बालबालिकाहरुमा धैर्यताको कमि देखिन्छ,उनिहरुलाई हरेक कुरा चाडो र हातमै चाहिन्छ,त्यसैले उनिहरुलाई धैर्य गर्न सिकाउनुहोस् ताकि धैर्य र मिहिनेतले सबै काम सफल हुन्छ भनेर बुझ्न सकुन ।

-पठन सस्कृतिको बिकास गर्न आफ्ना नानीबाबुहरुलाई सन्दर्भ पुस्तकहरु, कथा ,उपन्यासहरु पढ्न लगाउनुहोस ।
यो बिदाको समयको सहि सदुपयोग गरी नानिबाबुहरुलाई सास्कारिक ,व्यवहारिक तथा नैतिक मुल्यमान्यताको शिक्षा दिनुहुनेछ भन्ने अपेक्षा गर्दै त्यस्ता कार्यहरुको तस्बिर खिचि बिद्यालयमा पठाई दिनुहुन समेत अनुरोध गर्दछौ ।

भरत के सि
प्रधानाध्यापक