राष्ट्रिय सुसेली मञ्च नेपालको आमा विशेष सुसेली गायन कार्यक्रम सम्पन्न

सुसेली मञ्चका संस्थापक तथा सुसेली विधाका प्रवर्तक दुर्गा अधिकारी भमरकोटेको सभापतित्वमा संचालन भएको कार्यक्रमको संचालन कवि साहित्यकार, कल्पनाका सुसेली पुस्तककी लेखक, सुसेली अभियन्ता कल्पना अधिकारीले सुन्दर तवरले गर्नु भएको थियोे ।

सुसेली गायन कार्यक्रममा सरिक २० जना कवि साहित्यकारहरूले आमाहरूको सम्मानमा आमाको ममता, महत्त्व र आमा विनाको संसारको कल्पना समेत गर्न नसकिने कुरामा जोड दिँदै त्रिपदीय नेपाली लोकलयमा सुसेली रचना गरि गाउनु र वाचन गर्नु भएको थियो ।

कार्यक्रममा विशिष्ट अतिथि कलानिधी दाहालले छोटो समयमा नै लघुतम विधा सुसेलीले गर्दै आएको प्रगतिको प्रसंशा गर्दै यो विधा रचना गर्न सजिलो र चोटिलो हुनुका साथै मीठासपुर्ण ढंगमा गाउन सकिने भएको हुँदा आगामी दिनहरूमा सुसेलीको लोकप्रियता अझै व्यापक हुने कुरामा आफू विस्वस्त रहेको र अझै गहिरो भाव भएका उत्कृष्ट सुसेली रचना गर्दै अगाडि बढ्न सल्लाह दिँदै आफूले रचना गरेका आमा सम्बन्धि सुसेलीहरू गाएर सुनाउनुभयो ।

सुसेलीको कार्यक्रममा सधैं सरिक हुन पाएकोमा खुसी व्यक्त गर्दै अर्का विशिष्ट अतिथि वेदज्ञाता तिलकप्रसाद लुइँटेलले आमा सम्बन्धि सुसेलीहरू प्रस्तुत गर्दै आमाको महत्त्वका विषयमा व्याख्या गर्नुभयो ।

यसरी दुईजना विशिष्ट अतिथि लगायत १८ जना अतिथि कवि साहित्यकारहरूलाई कार्यक्रममा स्वागत गर्दै आमाहरूमा समर्पित सुसेलीको कार्यक्रम भव्य तथा सभ्य तवर बाट सु-सम्पन्न गर्न पाएकोमा खुसी व्यक्त गर्दै कार्यक्रमका सभापति भमरकोटेले सुसेली विधाले गर्दै गरेको प्रगतिमा पुस्तक लेखेर योगदान गर्ने कवि साहित्यकारहरू पाँचौ वार्षिकोत्सबमा सम्मानित हुनुभएकोमा सबै सुसेली पुस्तकका लेखकलाई बधाई र आगामी दिनहरूमा पनि सुसेलीका पुस्तक लेख्नेहरू नै सम्मानित हुने कुरा जानकारी गराउँदै सहयोगी सबैलाई धन्यवाद दिएर कार्यक्रमको समापन गर्नुभयो ।

कार्यक्रममा उपस्थित र सहभागी कवि साहित्यकारहरू निम्न अनुसार हुनुहुन्छ । कवि सुरेशचन्द्र घिमिरे, उत्तम बिचार भेटुवाल, चन्द्रा न्यौपाने,  वासुदेव ठकुरी, उर्मिला पन्त, चन्द्रावती अधिकारी, घनश्याम पौडेल, ललिता दोषी,इन्दिरा रेग्मी, नवीन खड्का, श्याम परियार, पूनम घिमिरे, रामशरण न्यौपाने, तारा घिमिरे । हावा हुरी र वर्षाका कारण नेटले साथ नदिएर केही कविहरू उपस्थित हुन नसकेर वाचन गर्न असमर्थ हुनुभयो ।