शुक्रबार, साउन ८ २०८३ | Friday 24th July 2026 
जन आकाश
काठमाडौँ । गायक एवं संगीतकार टंक बुढाथोकीले एउटै गीत नेपाली भाषासहित ६ मातृभाषामा निर्माण गरेका छन् । उनले ‘धन्यवाद’ बोलको गीतलाई नेपालीसँगै, नेवारी, तामाङ, थारु, राजवंशी, खस र भोजपुरी गरेर ६ मातृभाषामा ल्याएका हुन् । गीतमा शब्द र संगीत पनि टंककै छ ।
उनलाई स्वरमा गायिका अन्नु चौधरीले साथ दिएकी छन् । टंक र अन्नुको यो पहिलो सहकार्य हो । भिडियो पनि सातवटै बनेको छ । भिडियोमा राहुल शाह र समिश्रिका परियारको नृत्य एवं अभिनय छ । थारु भाषाको गीतको भिडियोमा भने गायक–गायिका टंक र अन्नु स्वयंमले अभिनय गरेका छन् ।
टंकले आफूले एक वर्षदेखिको मिहिनेतबाट गीत सार्वजनिक गर्न सफल भएको बताए । उनले सबै भाषाको ज्ञान आफुमा नहुँदा धेरै समय लागेको सुनाए । ‘नेपालमा रहेको विभिन्न भाषालाई प्रवर्द्धन गर्नकै लागि आफूले सानो कदम चालेको हो’ उनले थपे ।
सो म्युजिक भिडियोको भिडियो निर्देशक राहुल शाह हुन् भने छायांकन र सम्पादन पवन सुस्लिङको रहेको छ ।
© 2026 All right reserved to janaaakash.com | Site By : SobizTrend
