शनिबार, कार्तिक ८ २०८३ | Saturday 24th October 2026 
जन आकाश
काठमाडौं । पुस २७ गते प्रदर्शन तयारीमा रहेको फिल्म ‘पर्खिबसें तिमीलाई’को शीर्ष गीत सार्वजनिक भएको छ । गीतमा कृष्णहरि बरालको शब्द, महेश खड्काको संगीत तथा प्रमोद खरेल र अन्नु चौधरीको स्वर छ ।
हिमाली तथा पहाडी भूभागको रमणीय दृश्यमा छायांकन गरिएको गीतमा यसै फिल्ममार्फत डेब्यु गरेका अभिनेता किरण श्रेष्ठ र अभिनेत्री रक्षा बुढाथोकी फिचर्ड छन् । यसको कोरियोग्राफी रामजी लामिछानेले गरेका हुन् ।
गीतमा यी दुईको प्रेम र समर्पणलाई चित्रण गरिएको छ । दीपक श्रेष्ठको निर्देशनमा तयार भएको फिल्मको ट्रेलरमा हाँसो, रोदन, एक्सन, विछोडजस्ता तत्व मिश्रण छ । श्रेष्ठले ‘पर्खिबसें’ मार्फत राजबल्लभ कोइराला र युना उप्रेतीलाई डेब्यु गराएका थिए ।
© 2026 All right reserved to janaaakash.com | Site By : SobizTrend
