शनिबार, कार्तिक ८ २०८३ | Saturday 24th October 2026 
जन आकाश
काठमाडौं । नेपालका प्रेमबहादुर लिम्बूले विश्व तेक्वान्दो हान्मादाङ प्रतियोगितामा रजत पदक जितेकाछन् । दक्षिण कोरियाको मुङयीयोङमा भएको प्रतियोगितामा प्रेमले व्यक्तिगत पुम्सेतर्फ रजत पदक जितेका हुन् ।
प्रशिक्षक जगन अधिकारीका अनुसार प्रेम फाइनलमा मेक्सिकन खेलाडी योन सियोकसँग ७.८९-८.९९ को झिनो अंकले पराजित भए ।
५५ राष्ट्रका चार हजार ५०० खेलाडी सहभागी प्रतियोगिता २६ देखि ३० जुलाई सम्म भएको थियो । प्रेमले यही वर्ष दक्षिण कोरियाको सङनाममा सम्पन्न खुला अन्तर्राष्ट्रिय सङनाम तेक्वान्दो प्रतियोगितामा पनि रजत पदक जितेका थिए । दक्षिण एसियाली खेलकुद (साग) का कांस्य पदक विजेता प्रेम अगष्ट ३ मा नेपाल फर्किनेछन् ।
© 2026 All right reserved to janaaakash.com | Site By : SobizTrend
