बुधबार, भाद्र २४ २०८३ | Wednesday 9th September 2026 
जन आकाश
काठमाडौं । नेपालका लागि लिपमोटरको आधिकारिक विक्रेतामा गोल्छा संगठनको सांग्रिला मोटर्स प्रालि नियुक्त भएको छ । सांग्रिला मोटर्स हाल नेपालमा सिट्रोन र प्युजो गाडीको आधिकारिक विक्रेता पनि हो ।
अब सांग्रिला मोटर्सले लिपमोटरको लक्जरी विद्युतीय सवारीसाधन (ईभी) नेपाली बजार ल्याउने तयारी गरिरहेको सांग्रीलाका बाण्ड हेरिरहनु भएका किरण श्रेष्ठले जानकारी दिएका छन् ।
सांग्रिला मोटर्सले ११–१६ भदौसम्म भृकुटीमण्डपमा सञ्चालन हुने नाडा अटो शोमार्फत लिपमोटरको (सी१०) मोडेलको ईभी सार्वजनिक गर्न लागेको हो ।
लिपमोटर स्टेलान्टिस अम्ब्रेला अन्तर्गतको कम्पनी हो, जसको प्युजो, सिट्रोन, जीप र फिएट गाडीको स्वामित्व रहेको छ ।
लिपमोटर सन् २०२४ सम्ममा बिक्रीका आधारमा चीनको चौथो ठूलो नयाँ ईभी स्टार्टअप कम्पनी हो । चीनमा बलियो उपस्थिति र युरोपमा बढ्दो पदचिह्नका साथ लिपमोटर अत्याधुनिक प्रविधि प्रयोग गर्ने कम्पनी हो ।
© 2026 All right reserved to janaaakash.com | Site By : SobizTrend
