मंगलबार, भाद्र २३ २०८३ | Tuesday 8th September 2026 
जन आकाश
काठमाडौं । गायक दीपेश बिष्टको नयाँ गीत “कोइली बनैमा” सार्वजनिक भएको छ। डम्बर विश्वकर्माको रचनामा तयार भएको यस गीतमा दीपेश बिष्ट र शान्ति श्री परियारको सुमधुर आवाज सुन्न सकिन्छ, जबकि लय युस्कल छिनालले तयार गरेका छन्। संगीत संयोजन भने राजेन्द्र बाजुरालीले गरेका छन्।
मायाप्रेमको भावनामा आधारित यस गीतले खासगरी गाउँघरका केटाकेटी बीचको प्रेम कथा प्रस्तुत गर्दछ। गीतमा केटाले आफ्नो प्रियलाई भन्न खोजेको छ कि, तिमी मेरो जीवनमा हुनु या नहुनु, तिमी सधै मेरो मनमा रहिरहनेछौं। यसैगरि, केटाले आफ्नो प्रेमको गहिराईलाई शब्दहरूको माध्यमबाट व्यक्त गर्ने प्रयास गरिएको छ। म कति माया गर्छु भन्ने कुरा शब्दमा भन्न सकिँदैन, तर त्यो मेरो मनले मात्र बुझ्न सक्छ, जस्ता भावनात्मक शब्दहरूले गीतलाई अझ प्रभावकारी बनाएको छ।
लामो समयदेखि नेपाली संगीत क्षेत्रमा सक्रिय गायक दीपेश बिष्टले भने, मैले गरेजति गीतहरू सबै राम्रा लाग्छन्, तर यो गीत विशेष गरी हाम्रो टिमको कडा मेहनतको परिणाम हो। यस गीतको सफलता हामी सबैको साझा प्रयास हो। युट्यूबमा राखेपछिको प्रतिक्रिया धेरै सकारात्मक आएको छ, र हामीले दर्शकको माया पाएका छौं।
गीतको म्यूजिक भिडियोलाई निर्देशक विनोद भण्डारीले निर्देशन गरेका छन्, र यसमा मुख्य भूमिकामा पनि भण्डारी स्वयं देखिन्छन्। जुना विश्वकर्माले उनको साथ दिएकी छिन्।
मालाश्री स्टुडियोमा रेकर्ड गरिएको यस गीतको म्यूजिक भिडियोको सम्पादन मनोज कार्कीले गरेका हुन्।
© 2026 All right reserved to janaaakash.com | Site By : SobizTrend
