दुर्गा बिरहीको शब्द,निर्देशनमा “बाग्लुङ रामरेखा” सार्वजनिक

जन आकाश
बिहिबार, फाल्गुन ८ २०८१

काठमाडौं । गीत संगीतमा दुर्गा बिरहीको फेरि उदयमान भएको छ भखरै मात्र उनको शब्द र भिडियो निर्देशनमा “बाग्लुङ रामरेखा” बोलको गीत सार्वजनिक भएको छ । उक्त गीत साङ्गीतिक दृष्टिकोणले निकै आकर्षक र विशेष बनेको छ । अहिले यो गीत निकै चर्चामा समेत आएको छ ।

गीतको शब्द र रचनामा कमल जी.सी र दुर्गा बिरहीको योगदान छ, जसले गीतलाई आकर्षक बनाएको छ भने गीतको संगीत कमल जी.सी र राजेश गन्धर्वले तयार गरेका छन्, जसले गीतलाई थप आकर्षक र सुमधुर बनाएको छ। गायिका शान्तिश्री परियार र कमल जी.सीको आवाजमा यस गीतको प्रस्तुतिले दर्शकलाई छमछम नचाएको छ ।

गीतको भिडियो निर्देशनमा दुर्गा बिरहीको महत्वपूर्ण भूमिका छ, जसमा कलाकार देवेन्द्र बब्लु, जुना विश्वकर्मा र सरिता डंकुटीले आफ्नो अभिनयका माध्यमबाट गीतलाई थप रोचक र आकर्षक बनाएका छन्। उनीहरूको अभिनयले गीतको भावलाई निकै प्रभावकारी ढंगले प्रस्तुत गरेको छ।

बाग्लुङ रामरेखा बोलको गीत छोटो समयमै धेरै चर्चा कमाई रहेको छ र यो लोक भाकामा बनेको एक आकर्षक सिर्जना बनिसकेको छ। विशेष गरी दुर्गा बिरहीको भिडियो निर्देशनलाई प्रशंसा गरिएको छ, जसले गीतको सम्पूर्ण रूपलाई एक नयाँ परिप्रेक्ष्यमा प्रस्तुत गरेको छ। यस गीतको लोकप्रियता अझै बढ्ने आशा गरिएको छ र यसले नेपाली लोक संगीतमा नयाँ उचाइ ल्याउने विश्वास गरिएको छ।