बिशाल नेपालीको अभिनय निर्देशनमा “तिमी आएपछि” सार्वजनिक

जन आकाश
बुधबार, चैत्र १३ २०८१

काठमाडौं । नेपाली कलाकारिता क्षेत्रमा लामो समयदेखि सक्रिय मोडल तथा निर्देशक बिशाल नेपाली र अभिनेत्री पेरिसा कंडेलको अभिनयमा ’तिमी आएपछि’ बोलको गीत (BNF Production) युट्युब च्यानलमार्फत सार्वजनिक भएको छ ।

उक्त गीतको शब्द, संगीत रविन भुसालको रहेको छ भने लोकप्रिय गायक कमल खत्री र मेलिना मैनालीको आवाज समावेश गरिएको छ साथै गीतको भिडियो निर्देशन बिशाल नेपालीले गरेका हुन् भने, छायांकन दिनेश पराजुलीको रहेको छ भिडियोमा बिशाल नेपाली स्वयम र पेरिसा कंडेलको अभिनय रहेको छ।

यी दुवै कलाकारको अभिनयले भिडियोमा भावनात्मक गहिराइ ल्याएको छ र त्यसको विशेष प्रशंसा गरिएको छ। बिशाल नेपाली र पेरिसा कंडेलले प्रेम र पिरतीको कथा निकै आकर्षक तरिकाले प्रस्तुत गरेका छन्, जसले गीतलाई अझ प्रभावकारी बनाएको छ।

“तिमी आएपछि” गीत आधुनिक शैलिमा तयार पारिएको छ र यसमा नयाँपन र ताजगीको झल्को पाइन्छ। यसको शैली र संगीतले विशेषगरी युवापुस्तालाई आकर्षित गरेको छ । यस गीतको निर्देशनमा बिशाल नेपालीले आफूलाई एक दक्ष र सृजनात्मक निर्देशकको रूपमा प्रस्तुत गरेका छन्, जसले भविष्यमा थप उत्कृष्ट कामहरूको सम्भावना प्रकट गरेको छ।

गीतको क्यारेक्टरमा पेरिसा कंडेल र बिशाल नेपालीको अभिनयले सबैलाई आकर्षित बनाएको छ । र उनीहरूको दृश्य प्रदर्शनले गीतलाई एउटा नयाँ उचाइमा पुर्याएको छ। प्रेमको गहिरो भावना र समर्पणको विशेषतामा आधारित यो गीत प्रेमी जोडिहरूको मन जित्न सफल भएको छ। विशेषगरी, यस गीतको कथा र भावनाले समर्पण र माया दर्शाउँछ, जसले दर्शकहरूलाई सजीव रूपमा प्रभावित बनाएको छ।