शनिबार, कार्तिक ८ २०८३ | Saturday 24th October 2026 
जन आकाश
काठमाडौँ । टेलिसिरियल ‘बाचा बन्धन’ यही जेठ ३१ गते शनिबारदेखि प्रसारणमा आउने भएको छ ।
ओएसआर डिजिटलबाट प्रसारण हुने यस टेलिसिरियलमा अघिल्लो र वर्तमान पुस्ताको प्रेमकथा देख्न पाइनेछ । यसका लेखक तथा निर्देशक यज्ञजंग विक (आयुष) हुन् ।
निर्देशक विकका अनुसार टेलिसिरियलमा दुई पुस्ताबिचको रोचक प्रेमकथालाई देखाइने छ । टेलिसिरियलको ट्रेलरसमेत सार्वजनिक भएको छ, जसमा कुसुम शर्मा, सरिता ढुङ्गाना, प्रशान्त बुढाथोकी, हेमराज घर्ती, विशाल पहाडी, रश्मी भट्ट, सुवास गजुरेललगायत कलाकारको अभिनय छ ।
कमल बुढाथोकीको प्रस्तुतिमा बनेको यो टेलिसिरियललाई दीपा बुढाथोकी र कमल बुढाथोकीले मिलेर निर्माण गरेका हुन् । हेमराज घर्ती कार्यकारी निर्माता रहेको सिरियलमा शिव विकको छायाङ्कन, उमेश थापा मगरको सम्पादन, प्रवीण ढकालको रङ संयोजन (कलर) तथा रतिश भारतीको भीएफएक्स रहेको छ । टेलिसिरियलमा आकाश मगरको सङ्गीत संयोजन र गायक रामचन्द्र काफ्लेको स्वर छ ।
© 2026 All right reserved to janaaakash.com | Site By : SobizTrend
