तीज विशेष सुसेली:

तीज विशेष सुसेलीः

१
हरितालिका
तीज आयो माझमा
बुझ कालिका ।

२
दिदी बहिनी
भेला भइ नाच्ने हो
तीज चाहिनी ।

३
व्रत बसेर
मनाइन्छ तीज यो
सबै भएर ।

४
विकृति बढ्यो
देखासिकिले गर्दा
मात पो चड्यो ।

५
तीज बेलैमा
दर खाइ सबैले
नाच्छन् भेलैमा ।

६
घर घरमा
आयो तीज साथी हो
वरपरमा ।

७
भेला भएर
तीज नाच्ने गाउने
सबै मिलेर ।

८
होटेल हैन
मानौं गई माइत
हुन्न बेचैन ।

९
तीज आएर
हुन्न कुनै महत्त्व
पार्टी धाएर ।

१०
भर पर्नी हो
तीजको बेलामा त
गफ गर्नी हो ।

११
आएको तीज
भव्य बनाउनु छ
नराखी ईख ।

१२
संस्कृति बँचे
तीज मनाउने हो
सबैले बुझे ।

१३
शुद्ध खाएर
मनाऔँ है तीज यो
मन लाएर ।

१४
दर पो खाई
मनाउनुपर्छ है
यो तीजलाई ।

१५
शुद्ध मनले
मनाउँछौ यो
सबै जनले ।

रिता खराल (देवीश्रीराधा)
गैडहवा -९ रूपन्देही

फेसबुक प्रतिक्रिया

ताजा अपडेट

चर्चित

सम्बन्धित समाचार

लिंकहरु