शुक्रबार, साउन ८ २०८३ | Friday 24th July 2026 
जन आकाश
काठमाडौं– क्रिएटिभ विङ्स प्रोडक्सन हाउस प्रा.लि.को ब्यानरमा निर्माण हुन लागेको सामाजिक जनचोतनामुलक तथा लागूऔषध दुव्र्यसनविरुद्धको चेतनामूलक नेपाली चलचित्र ‘बिसहरण’ को कलाकार छनोट (अडिसन) सम्पन्न भएको छ ।
अडिसनमा करिब ४० जना कलाकारले सहभागिता जनाएका थिए । अभिनय क्षेत्रमा रुचि भएका नयाँ तथा अनुभवी कलाकारहरूले विभिन्न भूमिकाका लागि आफ्नो अभिनय क्षमता प्रस्तुत गरेका थिए ।
अडिसनमा नेपाली चलचित्र क्षेत्रका अनुभवी व्यक्तित्वहरू निर्णायक (जज) का रूपमा सहभागी भएका थिए । चलचित्रको निर्देशन अनिल कजासु ले गर्दैछन् ।
चलचित्रको निर्माण क्रिएटिभ विङ्स प्रोडक्सन हाउस प्रा.लि. ले गरिरहेको छ भने एमबी राउत सह–निर्माताका रूपमा रहेका छन् । निर्माण पक्षले चलचित्रका मुख्य कलाकारहरूको नाम भने हालसम्म सार्वजनिक गरेको छैन ।
निर्माण पक्षका अनुसार चलचित्रले लागूऔषध दुव्र्यसनको असर र त्यसबाट मुक्त भई नयाँ जीवनतर्फ अघि बढ्न सकिने सन्देश दिनेछ । चलचित्रको छायांकन छिट्टै सुरु गरिने जानकारी निर्माण पक्षले दिएको छ ।
© 2026 All right reserved to janaaakash.com | Site By : SobizTrend
