मंगलबार, भाद्र ३० २०८३ | Tuesday 15th September 2026 
जन आकाश
काठमाडौं । भदौ १० गते रसुवाको भोटेकोशी नदीमा आएको विनाशकारी बाढीपछि विभिन्न जिल्लामा १ हजार ३९७ जनाको शव फेला परेको प्रहरीले जनाएको छ।
प्रहरीका अनुसार रसुवामा १८९, नुवाकोटमा २०२, धादिङमा ७२, चितवनमा ३६४, गोरखामा ७८, तनहुँमा ३८, नवलपरासी पूर्वमा २३२ र नवलपरासी पश्चिममा २२२ जनाको शव फेला परेको छ।
फेला परेका शवको पहिचानका लागि डीएनए नमुना संकलन लगायत आवश्यक प्रक्रिया पूरा गरिएको प्रहरीले जनाएको छ।
हालसम्म १ हजार २३० वटा शव व्यवस्थापन गरिएको छ। पहिचान तथा अन्य प्रक्रिया पूरा नभएका शवलाई सुरक्षित रूपमा माटोमुनि राखिएको जनाइएको छ।
© 2026 All right reserved to janaaakash.com | Site By : SobizTrend
