शनिबार, कार्तिक ८ २०८३ | Saturday 24th October 2026 
जन आकाश
काठमाडौं । संघीय संसद् सचिवालयले संसदीय सूचना, सेवा, अभिलेख तथा गतिविधिलाई सहज, प्रभावकारी र पारदर्शी बनाउन ‘डिजिटल पार्लियामेन्ट’ प्लेटफर्म सञ्चालनमा ल्याएको छ।
हाल परीक्षणको चरणमा रहेको प्लेटफर्मको प्रतिनिधिसभाका सभामुख डोलप्रसाद अर्याल र राष्ट्रिय सभा अध्यक्ष नारायणप्रसाद दाहालले शुभारम्भ गरेका हुन्।
प्लेटफर्ममा संसद्का सूचना, विधेयकको अवस्था, क्यालेन्डर, सांसदको उपस्थिति तथा समिति र उपसमितिका विवरण समेटिएका छन्। साथै, पुराना संसदीय दस्तावेज तथा अभिलेखलाई डिजिटलाइज गरी सुरक्षित राख्न र अध्ययन–अनुसन्धानमा सहजता ल्याउन सहयोग पुग्ने बताइएको छ।
सभामुख अर्याल र अध्यक्ष दाहालले संसदीय कामकारबाहीलाई कागजी प्रणालीबाट डिजिटल प्रणालीमा रूपान्तरण गर्दा काम छिटो, पारदर्शी, प्रभावकारी र जवाफदेही बनाउन सहयोग पुग्ने बताएका छन्।
© 2026 All right reserved to janaaakash.com | Site By : SobizTrend
