सुदूरपश्चिमका आठ स्थानमा सहुलियत मूल्य पसल, चिनी प्रतिकिलो १०० रुपैयाँ::Nepal News Portal

सुदूरपश्चिमका आठ स्थानमा सहुलियत मूल्य पसल, चिनी प्रतिकिलो १०० रुपैयाँ

जन आकाश
शुक्रबार, असोज २३ २०८३

काठमाडौं । चाडपर्वका बेला उपभोक्तालाई दैनिक उपभोग्य वस्तु सहुलियत दरमा उपलब्ध गराउने उद्देश्यले सुदूरपश्चिम प्रदेशका आठ स्थानमा सहुलियत मूल्य पसल सञ्चालनमा ल्याइएको छ।

साल्ट ट्रेडिङ कर्पोरेसनले कैलाली, कञ्चनपुर, डोटी, डडेलधुरा र बैतडीका विभिन्न स्थानमा पसल सञ्चालन गरेको हो। कैलालीको धनगढी, टीकापुर र अत्तरिया, कञ्चनपुरको महेन्द्रनगर र बेलौरी, डोटीको दिपायल, डडेलधुरा तथा बैतडीको पाटनमा सहुलियत मूल्य पसल सञ्चालन भइरहेका छन्।

सहुलियत पसलमा चिनी प्रतिकिलो १०० रुपैयाँमा बिक्री भइरहेको छ। बजार मूल्यभन्दा प्रतिकिलो २५ रुपैयाँसम्म सस्तोमा चिनी पाइने भएपछि उपभोक्ताको आकर्षण बढेको साल्ट ट्रेडिङले जनाएको छ।

साल्ट ट्रेडिङ कर्पोरेसन धनगढीका प्रमुख रूपबहादुर कुँवरका अनुसार तराईका सहुलियत पसलबाट एक जनालाई पाँच किलोसम्म र पहाडी जिल्लामा तीन किलोसम्म चिनी बिक्री गर्ने व्यवस्था गरिएको छ। धनगढीस्थित कार्यालय परिसरमा रहेको पसलबाट मात्रै दैनिक करिब २५ क्विन्टल चिनी बिक्री भइरहेको उनले जानकारी दिए।

त्यस्तै, सहुलियत पसलमा नुन प्रतिकिलो २४ रुपैयाँमा उपलब्ध गराइएको छ भने दाल, चामल र चिउरामा प्रतिकिलो सात रुपैयाँसम्म छुट दिइएको छ।

चाडपर्वका बेला दैनिक उपभोग्य वस्तुको माग र बजार मूल्य बढ्न सक्ने भएकाले उपभोक्तालाई राहत दिन सहुलियत मूल्य पसल सञ्चालन गरिएको साल्ट ट्रेडिङले जनाएको छ। यी पसल बिहान ९ बजेदेखि साँझ ५ बजेसम्म सञ्चालन भइरहेका छन्। उपभोक्ताले भने चाडपर्वमा मात्रै नभई वर्षभरि नै सहुलियत मूल्य पसल सञ्चालन गर्नुपर्ने माग गरेका छन्।

फेसबुक प्रतिक्रिया

लिंकहरु

सुदूरपश्चिमका आठ स्थानमा सहुलियत मूल्य पसल, चिनी प्रतिकिलो १०० रुपैयाँ

नबिन योगी दैलेखका उदाउँदो युवा नेता जनताका बिचमा लोकप्रिय आउँदो स्थानीय तहको निर्वाचनमा दुल्लु नगरको…

गोकुलगंगा–१ चुचुरेमा ट्र्याक्टर दुर्घटना, एक जनाको मृत्यु

मोडेल तथा गायिका रमिता भण्डारीको नयाँ म्युजिक भिडियो ‘तिमी निष्ठुरी भयौ’ सार्वजनिक

रामेछाप रास्वपामय बन्दैः डा. कृष्णहरि जनतासँग नेपाली काँगे्रस, एमाले, नेपाल कम्युनिष्ट पार्टी पछिपछि

सायरी गोर्खाबाट रबि,बिक पाखा पखेरा संगको गहिरो सम्बन्ध

गायक भुपु लिम्बुको नयाँ गीत ‘धानको बाला’ को म्युजिक भिडियो सार्वजनिक, नेपाली माटो र संस्कृति…

मलेसियामा न्यूनतम तलब २ हजार रिंगिट पुग्ने, नेपाली श्रमिक पनि लाभान्वित हुने

अल्पसङ्ख्यक समुदायका माग सम्बोधन गर्न सरकार प्रतिबद्ध : मन्त्री बादी

कोशी प्रदेशको नाम खारेज गर्न माग गर्दै विराटनगरमा प्रदर्शन

सुदूरपश्चिमका आठ स्थानमा सहुलियत मूल्य पसल, चिनी प्रतिकिलो १०० रुपैयाँ

लिंकहरु