सोमबार, असोज १९ २०८३ | Monday 5th October 2026 
जन आकाश
काठमाडौं। टीभीएस मोटर कम्पनीको नेपालका लागि आधिकारिक वितरक जगदम्बा मोटर्स प्रा,लिले नेपाली बजारमा नयाँ टीभीएस रेडर १२५ इन्जिनयुक्त सिट सार्वजनिक गरेको छ। नयाँ मोडलको आगमनसँगै नेपालमा टीभीएस रेडरको उत्पादन समूह थप विस्तार भएको कम्पनीले जनाएको छ।
काठमाडौंस्थित भृकुटीमण्डपमा आयोजित कार्यक्रममा जगदम्बा मोटर्सकी अध्यक्ष दीपा अग्रवाल, उपाध्यक्ष दीपक रौनियार तथा कलाकार कर्मा लामा र निश्छल अर्यालको उपस्थितिमा सञ्चारकर्मी, सामग्री निर्माता तथा सामाजिक सञ्जाल प्रभावकारीहरूको सहभागिताबीच नयाँ मोटरसाइकल सार्वजनिक गरिएको हो।
२ लाख ७९ हजार ९०० रुपैयाँ मूल्य तोकिएको नयाँ टीभीएस रेडरले रेडरको परिचित खेलकुद शैलीको डिजाइन र प्रदर्शनलाई थप आरामदायी तथा व्यावहारिक बनाउने प्रयास गरेको कम्पनीले जनाएको छ। विशेषगरी शैली, प्रदर्शन र दैनिक प्रयोगलाई समान महत्व दिने युवा चालकलाई लक्षित गरी यो मोडल ल्याइएको हो।
© 2026 All right reserved to janaaakash.com | Site By : SobizTrend
