शुक्रबार, साउन ८ २०८३ | Friday 24th July 2026 
जन आकाश
काठमाडौ । सोलुखुम्बु जिल्लास्थित मेरा पिक ६४७० मि. आरोहण गर्न गएका मध्य एक जना बेपत्ता भएका छन् चार जनाको उद्धार गरी काठमाडौको ग्राण्डीमा उपचाररत छन् । भने अन्यलाई सकुशल उद्धार गरी लुक्ला विमानस्थलमा राखिएको जानकारी दिएको छ । नेपाल पर्वतारोहन संघले जारी गरेको बिज्ञप्तिमा उल्लेख छ ।
मेरा पिक आरोहण गरी फर्कने क्रममा मौसममा गडबढी आई गएका सवै आरोहीहरु अलपत्र परेका थिए । आरोहणमा गएकाहरुको सम्पर्क टुटेपछि तत्कालैे नेपाल पर्वतारोहण संघले सम्बन्धित कम्पनीसँगको समन्वयमा पर्यटन मन्त्रालय, पर्यटन विभाग, जिल्ला प्रशासन कार्यालय सोलुखुम्बु, नेपाल प्रहरी र नेपाली सेनासँगको समन्वयमा खोजी कार्य गरी चार जना बिदेशी र १ जना नेपालीलाई सकुशल उद्धार गरी काठमाडौ ल्याएको र उनिहरुसबैको अहिले काठमाडौंको ग्राण्डी अस्पतालमा उपचार भइरहेको जानकारी दिएको छ।
त्यसको अलवा पिक आरोहण गरी फर्कदै गर्दा खराब मौसम र ठूलो हिमपातका कारण बाटोमै रोकिएका शेर्पा इभेन्ट्स अर्गनाइजरका सदस्यहरुलाई पनि खोजीका लागि पैदल गएको टोलीले सुरक्षित रुपमा लुक्लामा ल्याईपु¥याएको जानकारी गराएको छ।
एड्भेन्चर भिक्टोरी टिममार्फत आरोहणका लागि गएको उक्त टोलीको एक सदस्य छेतेन शेर्पा भने पछिल्लो तीन दिनदेखि सम्पर्कविहीन भएको र ग्रुप लिडर नुरु शेर्पा र क्लाइम्बिङ गाइड कामी शेर्पाको नेतृत्वमा उहाँको पैदल यात्रामार्फत पनि खोजी कार्य जारी रहेको उल्लेख छ ।
नेपाल पर्वतारोहन संघका अध्यक्ष सन्तवीर लामाले हस्तक्षर गरेको बिज्ञप्तिमा उक्त कुरा उल्लेख छ ।
© 2026 All right reserved to janaaakash.com | Site By : SobizTrend
