मंगलबार, कार्तिक ११ २०८३ | Tuesday 27th October 2026 
जन आकाश
काभ्रेपलाञ्चोक । सिन्धु विकास बैंक लिमिटेड तथा युवा तथा साना ब्यवसायी स्वरोजगार कोष बिच कर्जा लगानी सम्झौता भएको छ । बैक र स्वरोजगारकोषबीच ८ वैशखमा सम्झौता भएको हो ।सम्झौतामा युवा तथा साना ब्यवसायी स्वरोजगार कोषका कार्यकारी निर्देशक विश्व मोहन अधिकारी तथा सिन्धु विकास बैंकका प्रमुख कार्यकारी अधिकृत राम कुमार गिरीले हस्ताक्षर गरेका छन् ।
सम्झौता अनुसार सिन्धु विकास बैंकले आफ्नो कार्यक्षेत्रमा रहेका १८ बर्ष देखी ६० वर्ष उमेर समूहका बेरोजगार युवा युवतीहरुलाई लक्षित गर्दै उनीहरुको क्षमता तथा ब्यापार ब्यवसाय वृद्धि गर्न प्रतिब्यक्ति रु.२ लाख तथा समुहगत प्रति समुह अधिकतम रु.३० लाख सम्म सहुलियत पुर्ण कर्जा उपलब्ध गराउने सम्झौतामा उल्लेख भएको छ ।
युवा स्वरोजगार कार्यक्रम अन्तरगत कोषले बैंकलाई वार्षिक ४ प्रतिशतका दरले कर्जा प्रदान गर्नेछ भने सिन्धु विकास बैंकले ईच्छुक वेरोजगार युवा युवतीहरुलाई वार्षिक ८ प्रतिशतका दरले ३ वर्ष ६ महिना अवधिको लागी कर्जा उपलब्ध गराउने छ । कोषले युवा स्वरोजगार कर्जा उपभोग गर्ने ऋणी तथा परियोजना दुबैको बैंक मार्फत विमा समेत गरी दिने व्यवस्था रहेको छ ।
कर्जाको साँवा तथा व्याज समयमै तिर्ने असल ऋणीहरुलाई तिरेको व्याजको ६० प्रतिशतसम्मको रकम कोषले अनुदान फिर्ता समेत गरि दिनेछ । बैंकले आफ्नो कार्यक्षेत्र भित्र रहेका सिन्धुपाल्चोक, दोलखा, काभ्रेपलाञ्चोक, मकवानपुर र चितवन जिल्लाका २४ वटा शाखा कार्यालयहरु मार्फत उक्त कर्जा लक्षित बर्गमा प्रवाह गर्ने जनाएको छ ।
© 2026 All right reserved to janaaakash.com | Site By : SobizTrend
