असारमा बजेट सक्न हतारमा काम गर्ने चलन अन्त्य गरौ

यसरी वजेट प्रस्तुत भईसकेपछि साउनवाट नै कार्यक्रमहरुको लागि काम थालेर ११ महिनामा सवै कामहरु सकेर यो असार महिना आउदो वर्षको लागि योजना बनाई तर्जुमा गर्न लाग्नुपर्ने वेला हो । त्यस्तो नेपालमा भएको देखिदैन ।

अन्य विकटका जिल्लाहरुमा त परकै कुरा भयो । काठमाडौ उपत्यकामा समेत अचेल असारको समयमा सडक खन्ने पेटी हाल्ने काम गरिरहेका छन् । सडक खनेका ठाउँहरुमा माटो थुपारिएको त्यही माटो घाम लाग्दा धुलो पानी पर्दा हिलोमा परिणत हुदा उपत्यकावासीहरु धुलोमा नाक थुन्दै हिलोमा लतपतिदै हिडेको देखिन्छ । उपत्यकावासीहरुलाई त हिलो र धुलो वाहेक अरु समस्या छैन । तर पाहाडी, हिामाली क्षेत्रमा असारको वेला सडक, कुलो बनाउदा खन्दा पाहाडमा माथिवाट पैरो आउने जोखिम हुन्छ ।

एकतिर मानवको लागि जोखिम अर्कोतर्फ हतारमा गरिएको काम दिगो, अर्थात बलियो नहुदा विकासको बजेट समेत प्रभावकारी नहुने देखिन्छ । यस्ता चलनलाई सधैको लागि अन्त्य गर्न सम्बन्धित निकायहरुले समयमा नै दृढ इच्क्षा शक्ति लिएर काम थाल्नुपर्ने देखिन्छ ।

समयमा काम सम्पन्न विकास निर्माणका कामहरु गुणस्तर, जनताले समयमा सहज ढंगवाट सेवा, सुविधा पाएभने सरकारले गरेको राम्रो काम देखेर सेवा पाएको महसुस गरेर उत्साहित हुनेछन् ।
तर अवस्था त्यस्तो छैन । जनताले बाटोमा हिड्दा बाटो भत्काएको अवरोध भएको असारमा नै देखेपछि असारे बजेट सक्न काम गर्दै रहेछन् भनेर अरोप लगाउनु स्वभाविक हो ।

त्यही काम भदौमा, असोजमा, कार्तिम, मंसिरमा, पुषमा, माघमा, फागुनमा, चैत्रमा, वैशाखमा जेठमा गरेको भए वा त्यो वेलादेखि गर्दै आउदा नसकेर निरन्तर भएको अवस्थामा सर्वसाधरण जनताले आरोप लगाउने डाउँ पाउदैनन थिए । जव असार १ गते लागेपछि हत्तार हतारमा काम गर्न थालेपछि जनताले आरोप लगाउनु स्वभाविक हो । त्यसैले यस्ता नकरात्मक बन्दै गएको असारे विकासको मोडल चेन्ज गरेर समयमा नै काम गर्ने वानीको विकास र प्रणाली बनाई नेपालमा असल शासनको शुरुवात गरेर निरासा बोक्दै विदेशी भूमिका रहेका युवापुस्तालाई समेत नेपाल सुध्रिएको छ । आशा नेपालमा नै छ । सम्भावना नेपालमा छ । बन्यो भन्ने आधार तयार गर्न सक्नुपर्छ । त्यो काम सरकारले गरोस् ।