सोमबार, कार्तिक १७ २०८३ | Monday 2nd November 2026 
जन आकाश
काठमाडौं । मोटरसाइकल ट्रकमा ठोकिएर दुर्घटना हुँदा दैलेखमा एक जनाको मृत्यु भएको छ । मृत्यु हुनेमा मोटरसाइकल पछाडि सवार चामुण्डाविन्द्रासैनी नगरपालिका–३ का ५५ वर्षीय कृष्णकुमार आचार्य रहेका छन्। घाइते उनलाई उपचारका लागि कर्णाली प्रदेश अस्पताल लगिएको थियो। डाक्टरले उनलाई मृत घोषित गरे ।
आइतबार दैलेखको गुराँस गाउँपालिका–४ चिसापानीस्थित सुर्खेत–दैलेख सडक खण्डमा सुर्खेतबाट दैलेखतर्फ जाँदै गरेको लु.प्र.०२–००१ क ०१९३ नम्बरको ट्रकको पछाडि सोही दिशातर्फ गइरहेको क.प्र.०२–००३ प २२१० नम्बरको मोटरसाइकल ठोक्किएको थियो।
दुर्घटनामा संलग्न मोटरसाइकल चालक चामुण्डाविन्द्रासैनी–३ का २६ वर्षीय श्रवणकुमार आचार्य भने सकुशल रहेका छन् । प्रहरीले ट्रक चालक दाङको लमही नगरपालिका–३ का २५ वर्षीय सबिन चौधरी र दुवै सवारी साधनलाई नियन्त्रणमा लिएको छ।
© 2026 All right reserved to janaaakash.com | Site By : SobizTrend
