शुक्रबार, साउन ८ २०८३ | Friday 24th July 2026 
जन आकाश
काठमाडौँ । दैलेखको आठबिस नगरपालिका–४ नैनाल सडक खण्डमा बुधबार बस दुर्घटना हुँदा १० जनाको मृत्यु भएको छ । दुर्घटनामा परि अन्य १८ यात्रु घाइते भएका छन् ।
कालिकोटको जितेगडाबाट कञ्चनपुरको महेन्द्रनगरतर्फ जाँदै गरेको ना४ख २९९८ नं को बस दिउँसो करिब ३ बजे कर्णाली नदीमा खसेको हो । मृत्यु हुनेमा एक बालिका, सात पुरुष र दुई महिला रहेका छन् । मृतकको सनाखत नभएको घटनास्थलमा खटिनुभएका प्रहरी नायब निरीक्षक ढोरबहादुर बुढाथोकीले बताए ।
घाइतेको स्थानीय अस्पतालमा उपचार भइरहेको छ । गम्भीर घाइतेलाई थप उपचारका लागि अन्यत्र लैजान हेलिकप्टर मगाइएको बुढाथोकीले बताए ।
© 2026 All right reserved to janaaakash.com | Site By : SobizTrend
