शुक्रबार, साउन ८ २०८३ | Friday 24th July 2026 
जन आकाश
सुरेश कुमार अधिकारी मित्र
यदी हामीले हरेक दिन विहान आफ्नो शरीरलाई कम्तीमा १० मिनेट व्यायाम गर्न सक्यौं भने पनि हामीले हाम्रो मष्तिष्क अर्थात् दिमागलाई स्वस्थ राख्न सक्छौं । किनकी यसबाट मस्तिष्कको हरेक भागमा सञ्चार गराई समन्वय गरेर स्मृति प्रकृयामा सुधार गर्न मद्धत गर्दछ । एक नशा रोग विशेषज्ञका अनुसार आफ्नो मस्तिष्क स्वस्थ राख्न लामो तथा तिब्र गतिको दौडेल मात्र पुग्दैन । त्यसको अलावा घरमै बसेर शरीरको व्यायाम गर्दा बर पर्याप्त हुन्छ भनी आफ्नो अध्ययनमा लेखेका छन् । यसरी ब्यापम गर्दा मस्तिष्कमा ‘डिप्पोक्यायस’ नामक कोषिका मात्र तैयार हुन्छ । यो भागबाट स्मृति (सम्झन सक्ने शक्ति) निर्माण र भण्डारण गर्दछ । हामीले गर्ने व्यापाम साह्रै गाह्रो हुनुपर्छ भन्ने छैन । व्यायाम गर्दा सजिलो खालको र अलि शरीरको सबै भाग तन्कने प्रकारको भएपनि पुग्छ । यदी तपाई सक्नुहुन्छ भने हप्ताको १ पटक साइकल चलाउनु होस् र हरेक दिन विहान कम्तीमा १० मिनेट व्यायाम गर्नुहोस् । तपाइले दिनभर आफूलाई फूर्तिलो पाउनु हुनेछ । बिर्सन बानी हराउँछ काममा जाँगर आउँछ र आफूलाई कम उमेरको युवा महशुस गर्नुहुन्छ । फुर्तिलो शरीरले सोच बदल्छ र आफूलाई सदैव चलाख र चनाखो बनाइराख्छ । यो व्यस्त दुनियाको हामी मानिसहरुले आफ्नो लागि १० मिनेट पनि दिन सक्दैनौ । तर मनलाई नियन्त्रण गरेर लैजाने हो भने १० मिनेट केही पनि होइन । सोच बदलौं र यो व्यस्त दुनियामा आफूलाई स्वस्थ बनाउन, आफ्नो मस्तिष्कलाई स्वस्थ राख्न आजैदेखि १० मिनेट व्यायाममा समय दिनुहोस् । अनि हेर्नुहोस आफूलाई कति स्वस्थ पाउन हुनेछ ।
© 2026 All right reserved to janaaakash.com | Site By : SobizTrend
