नेकपा (माले)का महासचिव दुर्घटनाको सीआईबीद्वारा छानविन गराइयोस भन्ने माग

काठमाडौं ।नेकपा (माले) का महासचिव सी.पी.मैनालीको कार दुर्घटना बिषयलाई लिएर आज मिति २०७६ फागुन २७ गते पार्टीको प्रतिनिधिमण्डलले उपप्रधान एवम् रक्षामन्त्री इश्वर पोखरेल र गृहमन्त्री रामवहादुर थापालाई सिंहदरवारमा छुट्टाछुट्टै भेट गरी आज महासचिव दुर्घटनाको छानवीन सीआईबीले गर्नुपर्ने माग गरेको छ ।
नेकपा (माले) पार्टीले २०७६ फागुन १५ गते झापाबाट राजधानी फर्कने क्रममा महोत्तरी जिल्लाको बर्दिवास रातु नदी नजिक भएको उक्त दुर्घटना अस्वभाविक र नियोजित भएको भन्दै उक्त दुर्घटनाको छानवीन सीआईबीद्वारा गराई सत्यतथ्य जनता समक्ष ल्याउन र त्यस कार्यका योजनाकार र दोषीलाई अविलम्ब कानुनी कार्यवाही गर्न माग गरेको छ ।
साथै पार्टीले दुर्घटनामा गम्भीर घाइते हुनु भएका महासचिव, परिवारका अन्य सदस्यहरु र कार चालकको उपचारको निम्ति काठमाण्डौ ल्याउन नेपाली सेनाको हेलिकोप्टर पठाएर सहयोग पु¥याईएकोमा नेपाल सरकारलाई आज ज्ञापन पत्र बुझाउन गएका ( माले) का प्रतिनिधि मण्डलले धन्यवाद दिएका थिए ।
प्रतिनिधिमण्डलसँगको भेटमा मन्त्रीद्वयले महासचिव सी.पी.मैनालीको शिघ्र स्वास्थलाभको कामना गदै सीआईबीद्वारा घटनाको छानविन गराई चाँडै सत्यतथ्य जनता समक्ष ल्याउने प्रतिवद्धता जनाएका थिए ।
प्रतिनिधिमण्डलले सगै प्रधानमन्त्री केपी ओलीको शिघ्र स्वास्थलाभको पत्र पनि उपप्रधानमन्त्री इश्वर पोखरेल मार्फत् आजै प्रधानमन्त्री कार्यालयमा बुझाएका थिए ।
प्रतिनिधिमण्डलमा पार्टीका स्थायी कमिटी सदस्यद्वय कुमार बेलवासे र दीननाथ घिमिरे तथा पोलिटव्युरो सदस्य जनक चालिसे लगायतका प्रतिनिधि मण्डलले पत्र बुझाएको हो । भोली स्वास्थ मन्त्रीलाई भेट्ने कार्यक्रम रहेको पनि (माले) पार्टी कार्यलयले जानकारी गराएको हो ।

नेपाल कम्युनिष्ट आन्दोलनका झापा विद्रोहका नायक भनेर चिनिने र नेपालको कम्युनिष्ट आन्दोलनमा र कम्युनिष्ट राजनैतिक, सैद्धान्तिक रुपमा कहिल्र्य कसैसँग सम्झौता नगरेका नेकपा (माले)का महासचिव सिपी मैनाली हाल नेपालका प्रधानमन्त्री केपी शर्मा ओलीका पनि नेता हुन् ।
अहिले झापा बिद्रोहका उहाहरु देवै अस्पतालमा हुनुहुन्छ । तर घटना र सन्दर्भ फरक फरक छन् । प्रधानमन्त्री केपी शर्मा ओली मृगौला फेर्न अस्पतालमा हुनुहुन्छ भने पुर्व उपप्रधानमन्त्री सिपी मैनाली कार दुर्घटनामा परेर उपचारको लागि अस्पतालमा हुनुहुन्छ । यो अवस्थामा दुवैले एक अर्कालाई स्वास्थ्य लाभको कामना गरिरहेका छन् । राजनीतिमा जे जस्ता भिन्नता भएपनि विगतको आत्मीयता यतिवेला दुवै नेतामा देखिएको छ ।