शनिबार, कार्तिक ८ २०८३ | Saturday 24th October 2026 
जन आकाश
हिजो शनिबार राप्रपाबाट पूर्व मन्त्री सुनिल ब.थापाले राजिनामा दिए लगतै राप्रपा (लाकतान्त्रिक) का अध्यक्ष लाक्पा तामाङ राप्रपा प्रवेश गर्ने तयारीमा छन् । केहि केन्द्रिय सदस्य लगायत आफुलाई केन्द्रिय पदाधिकारी तथा आगामी चुनावमा धनकुटाबाट प्रतिनिधि सभा सदस्यको टिकट बार्गेनिङ गरिरहेका तामाङ राप्रपा प्रवेश गर्न यतिबेला राप्रपाका केन्द्रिय नेताहरुसँग लविङ गरिरहेका छन् । राजनितिमा एक जनाको अन्त्यसँगै अर्कोको उदय हुनु स्वभाविक कुरा हो । कमल थापा नेतृत्वको राप्रपा नेपालबाट राजनीतिक यात्रा सुरु गरेका तामाङले ३ वर्ष अगाडी पशुपति शमशेर नेतृत्वको राप्रपासँग पार्टी एकता भएपछि धनकुटामा थापा खानदानको गुलामी नस्विकार्ने भन्दै पार्टीबाट राजिनामा दिई आफ्नै नेतृत्वमा राप्रपा लोकतान्त्रिक गठन गरेका थिए ।
सिन्धुपाल्चोक, धादिङ र मकवानपुरलाई आधार बनाएर आगामी चुनाबमा उम्मेद्धवारीमा उठ्ने आन्तरिक तयारी गरिरहेका तामाङको राप्रपाबाट पुर्व मन्त्री थापा बाहिरिए सँगै अब आफ्नै गृह जिल्ला धनकुटाबाट राजनितिक बाटो खुल्ला भएको छ ।पुर्व प्रधानमन्त्री स्वर्गीय सुर्य ब. थापाका सुपुत्र समेत रहेका सुनिल थापाले आफ्नो बुबाले स्थापना गरेको पार्टी छोडेर गएको भनि धनकुटाबासीहरुले आक्रोशित हुदै सुनिल थापाले धनकुटेली जनताको भावनामा चोट पुर्याएको भनि दुःख व्यक्त गरेका छन् । यो परिस्थिति हेर्दा बिस्तारै सुर्य बहादुर थापाको साखः लाक्पा तामाङले जोगाउनु पर्ने धनकुटामा सर्वत्र सुनिन थालेको छ ।
धनकुटामा यति बेला राजनीतिक जोडघटाउको लेखा जोखाले त्यहाँका जनताहरुमा बहस तातेको छ ।
© 2026 All right reserved to janaaakash.com | Site By : SobizTrend
