शुक्रबार, साउन ८ २०८३ | Friday 24th July 2026 
जन आकाश
सिन्धुपाल्चोकका मृगौला पीडितलाई पुर्व मन्त्री तथा नेपाली काङ्ग्रेसका नेता मोहन बस्नेतको सहयोग
पुर्व मन्त्री समेत रहनु भएका मोहन बस्नेतले सिन्धुपाल्चोक जिल्ला जुगल गाउँपालिका वडा नं ५ चनौटेका १७ वर्षीय दुवै मृगौला पिडित प्रविन आले मगरलाई उपचारका लागी ३ लाख १ हजार १ सय रुपैयाँ नगद रकम हस्तान्तरण गरेका छन।
उक्त रकम उन्कै भाइ प्रकाश बस्नेतले २ लाख ८६ हजार संकलन गरि पठाएका र १५ हजार १ सय नेपाली काङ्ग्रेस सिन्धुपाल्चोक क्षेत्र नं १ का क्षेत्रीय सभापति बालकृष्ण बस्नेतले व्यक्तिगत रुपमा प्रदान गरेको रकम एकमुष्ट जम्मा गरि बस्नेतले हस्तान्तरण गरेका हुन।
यस अघि पनि जुगल गाउँपालिका वडा नं ५ का निर्वाचित वडा अध्यक्ष एवं नेपाली काङ्ग्रेस जुगल गाउँपालिकाका सभापति सनत कुमार अधिकारीको सक्रियतामा २ लाख २१ हजार ७ सय संकलन गरि पिडितलाई हस्तान्तरण गरिएको बस्नेतले हामिलाइ जानकारी गराएका हुन ।
प्रविन आले मगरलाई उक्त रकम हस्तान्तरण गर्दै बस्नेतले शिघ्र स्वास्थ्य लाभको कामना गर्नुका साथै परिवार तथा आफन्त जनहरुमा धैर्य धारण गर्ने सामर्थ्य मिलोस भनी भगवान् संग प्रार्थना गरेका थिए । केहि अपठ्यारो परे हामी छौ ।भन्दै किड्नी पीडितलाई ढाडस दिदै आत्मबल बढाएका थिए।
© 2026 All right reserved to janaaakash.com | Site By : SobizTrend
