पार्टी पत्रकारिता बन्द गरौं

तर अधिवेशन नजिकिदै जादा संगठनमा कुन पार्टीको, कुन गुटको कसले टिकट पाउने कुन प्रभावशाली, कुन पार्टीको मान्छे हो भन्ने जस्ता बिषयमा पत्रकारहरुको बीचमा निक्कै हल्ला खल्ला चलिरहेको छ । यो जतिको लाजमर्दो बिषय अरु के हुन सक्ला पत्रकारिता जगतमा ? पत्रकारहरुको बिगतको अनुभव, वर्तमानको अवस्था र भविष्यसम्मलाई दुर दृष्टि राखेर काम गर्न सक्ने योग्य, दक्ष, सक्षम नेतृत्व महासंघमा हुनुपर्ने हो ।

तर पत्रकार महासंघको पवित्र संस्थामा पार्टी पत्रकारिता हावी हुने गरी पत्रकारहरु नै लाग्नुले नेपालको पत्रकारिता जगत कति स्वतन्त्र छ भन्ने प्रश्न आम मानिसहरुले उठाईरहेका बेला महासंघमा चुनाव लड्नका लागि राजनीतिक पार्टीको ढोका ढकढकाउन र ठुला ब्यापारी घरनाहरुसँग स्रोत जुटाउनका निम्ति पत्राकारहरु नै नेतृत्वको दौडमा रहेको समाचार आउदा नेपाली पत्रकारिता क्षेत्रको बिषयमा स्वतन्त्र पत्रकारितामाथि प्रश्न उठ्नु स्वभाविक हो ।

त्यसैले विगत के भयो भएन भनेर खोज्ने वेला पनि अहिले होईन र पत्रकार कुन पार्टीको कुन गुटको भनेर हेर्ने वेला पनि होईन । पत्रकारको नेतृत्व गर्न स्वतन्त्र पत्रकारिताको पक्षमा भएको ब्याक्ति हुनुपर्छ त्यो जुन पार्टीको आस्था राखोस त्यो कुनै मतलव भएन ।

तर स्वतन्त्र पत्राकारिताको परिचय बनाएको, पत्रकारहरुको पक्षमा उभिन सक्ने आट भएको क्षमतावान पत्रकार अवको पत्रकार महासंघको नेतृत्वमा आउनुुपर्छ । नेतृत्व चयन गर्ने पत्रकारहरुले नै हो । यो पटक त झनै प्रत्यक्ष निर्वाचनवाट केन्द्रीय कार्य समितिका पदाधिकारी चुन्ने ब्यवस्था हुन लागेको छ ।

यो पहिलोेपटक अभ्यास भईरहेको हुदा झनै महत्वपुर्ण छ । यो महत्वपुर्ण काम पत्रकारहरुले नै गर्न सक्छन् । अन्य क्षेत्रलाई समेत पाठ हुनसक्छ । त्यसैले पत्रकारहरुले पनि हाम्रोलाई भन्दा राम्रोलाई अवसर दिएर छान्नुपर्छ । तव मात्र पत्रकार महासंघको पवित्र उदेश्य पुरा हुन्छ । यो दाईत्ववाट कोहीपनि पत्रकारहरु पन्छिनु हुदैन र पार्टीको झण्डामुनि पार्टीको बिधान बोकेर आउने पत्रकारहरुलाई महासंघमा निषेध गरिनुपर्छ । त्यसको थालनी यो अधिवेशनवाट थाल्नुपर्छ ।