आन्दोलनलको नाममा अस्थिरताको बिउ नरोपियोस

नेपालमा राजनीतिको नाममा जे जे भए त्यो नेपालीहरुले बिर्सन थालिसकेका छन् ।नेपालमा नयाँ संविधान जारी भइसकेर स्थाइत्व सरकार हुनुपर्छ भन्ने जनताको चाहानाको रुपमा अभिमत आएको थियो । सोही अनुरुप सरकार बनेको हो । तर पछिल्लो समय सरकारमा रहेको पार्टी भित्रको विवाद चरम रुप लिदै गईरहेको छ । त्यसले कहिले आन्दोलनको धुर्की एउटा पक्षले लगाईरहेकै सुनिन्छ । भने कतिपय ठाउमा आन्दोलन गराउने तयारी गरिरहेको पनि देखिन्छ ।

बल्ल बल्ल नेपालका नेपालीहरुले शान्तिको सास फेर्न पाएका छन् । आफ्नै देशमा रोजगार सृर्जना ठुलो परिणाममा नभएपनि शान्तसँग कमाएर खाने वातावरण बनेको छ । नयाँ नयाँ सोच राखेर बिस्तारै पलाउदै गएको नेपालीहरुको खुशीमा सरकारमा रहेका पार्टीका केही नेताहरुले आन्दोलनको कुरा गर्दा र बिरोधका कार्यक्रम गर्ने रे भनेको सुन्दा जनताहरु फेरी त्रसिन थाले का छन् । यस्ता कार्यहरु देशका कार्यकारी प्रमुख भइसकेका जिम्मेवार नेताहरुले गर्ने आन्दोलनले देशलाई अस्थिरतामा लैजाने खेल हो । यसरी सधै देशलाई अस्थिरता बनाई राख्दा नेपालले गर्नुपर्ने प्रगतिहरु केही पनि गर्न सकिदैन भन्ने हेक्का भएका चेतनशील नेतृत्वले बुझनुपर्छ ।

अहिले आन्दोलन गर्ने गराउने पक्षहरु भित्रभित्रै तयारी गरिरहेको हल्ला बजारमा आउदा पत्याउने आधार पनि बन्दै गएको हुनाले त्यस्ता आन्दोलनहरु उठाएर नेपाललाई पुनः अस्थिरतामा नधकेलियोस भनि नागरिकहरुले आवाज उठाउन थालेका छन् । पार्टी संगठन र नेता देश र जनताको लागि भनेर भनिएको हुन्छ । त्यो जनता र देशप्रति समर्पित पार्टी नेता हु भनि प्रमाणित गर्ने हो भने राजनीतिक अस्थिरता होइन जनताको आवश्यकता बुझेर जनतालाई उत्पादनमा जोड्ने योजना ल्याउनु पर्छ । नेपालमा नै रोजगार र्सजना गर्ने वातावरण बनाउनु पर्छ । यस्तो रचनात्मक कार्य गर्ने पार्टी, नेता, हरुलाई मात्र अहिलेका जनताले मन पराउछन् । त्यसकारण आन्दोलनको नाममा देशलाई अस्थिरतामा धकेल्नु हुन्न त्यस्तो नेपाल र नेपालीको पक्षमा कहिल्यै हुदैन ।

नेपाल र नेपालीको पक्षमा हुने रचनात्मक कार्य गरेर जनविश्वास जित्दै काम गर्नु सवै राजनीतिक पार्टीहरुको राजनीतिक दाइत्व पुरा गरुण अस्थिरता तिर नलागुन ।

यदि राजनीतिक पार्टीले त्यस्तो अस्थिरता ल्याउने उद्देश्य राखी काम गर्छन् भने जनतााले त्यस्ता गतिविधि गर्ने राजनीतिक पार्टी र नेताहरुलाई बहिष्कार गरेर जानुपर्छ ।