मंगलबार, भाद्र २३ २०८३ | Tuesday 8th September 2026 
जन आकाश
घर किन्नु छ ,अलिकती बारी किन्नु छ
जसोतसो आमालाई एउटा सारी किन्नु छ
पानी नपरे, हुरिबतास नआइदिए हुन्थ्यो
छोराछोरी रुन्छन् चामल तरकारी किन्नु छ
बाबूनानीहरु बढाउनु छ, पढाउनु पनि छ
पाखुरी बेचेर सपना एक भारी किन्नु छ
कोरोना नआइज दुख बिमार केही नआइज
डलरले सारा खुशीको फूलबारी किन्नु छ
नरोक प्रीया,बरु आमाको राम्रो स्याहार गरेस्
कमाउँछु पैसा देशमै मैले कोठेबारी किन्नु छ
तिला लेकाली
बेलबारी,मोरङ।
© 2026 All right reserved to janaaakash.com | Site By : SobizTrend
