शुक्रबार, साउन ८ २०८३ | Friday 24th July 2026 
जन आकाश
काठमाडौं: नेपालमा जारी त्रिकोणात्मक टी–ट्वान्टी सिरिज अन्तर्गत आज नेदरल्यान्ड्स र मलेसियाबीच प्रतिस्पर्धा हुँदैछ ।
टियु क्रिकेट मैदानमा नेदरल्यान्ड्स र मलेसियाबीचको खेल अपरान्ह १२:१५ बजे सुरु हुनेछ ।
आज नेदरल्यान्ड्सले मलेसियालाई हराउँदै फाइनल पुग्ने लक्ष्यका साथ मैदानमा उत्रने छ ।
तीन खेलमा ४ अंक जोडेको नेदरल्यान्ड्स दोस्रो स्थानमा छ ।
मलेसियाविरुद्ध जित निकालेमा नेदरल्यान्ड्स फाइनलमा स्थान बनाउन सफल हुनेछ ।
यता, मलेसियाले भने पहिलो जितका लागि शसक्त रुपमा मैदानमा उत्रने तयारी गरेको छ ।
मलेसियाले पनि नेदरल्यान्ड्सलाई हराएर फाइनल पुग्ने सम्भावना कायम राख्ने छ ।
मलेसियालाई भने फाइनल पुग्न बाँकी दुई खेल जित्नै पर्ने दबाब बढेको छ ।
दुई खेलमा अंक जोड्न असफल मलेसिया अंक तालिकाको पुछारमा छ ।
नेपालले भने ३ खेलमा ४ अंक जोडेर शीर्ष स्थानमा उक्लिएको छ ।
राउण्ड रोबिनको आधारमा जारी सिरिजको शीर्ष दुई टोलीले उपाधिका लागि खेल्नेछन् ।
© 2026 All right reserved to janaaakash.com | Site By : SobizTrend
