मंगलबार, भाद्र २३ २०८३ | Tuesday 8th September 2026 
जन आकाश
तीज सम्बन्धि सुसेलीहरूः
चन्द्र बदन
सम्बोधन ऐजन
मेरो नमन ।
दर चाहाना
आमा दिदीबहिनी
शुभकामना ।
नारी पर्व यो
तीज हरिताालिका
हाम्रो गर्व हो ।
तीज आको छ
बैनी भेट्न दाजुले÷ दिदी भेट्न भाइले
मौका पाको छ ।
नाच गम्कदै
दर खाऊ रमाऊ
आमा सम्झदै ।
स्वास फेर्दैछिन्
झ्याल खोली आमाले
बाटो हेर्दैछिन् ।
नातो बेरेर
आमा बुढी रुदैछिन्
बाटो हेरेर ।
बिन्ती गरेँ नी
आउ चेली तीजमा
जस्तै परे नी ।
गाऊ झुमेर
तीज आयो बरी लै
नाच घुमेर ।
हरि तालिका
पूजा गर शिवको
हाम्रा मालिक ।
जहाँ गए नी
नबिर्सनु माइती
प्यारी बहिनी ।
बेसी झरेर
आउँनु है माइत
खोली तरेर ।
सत्यवादी भै
आफ्नो धर्म संस्कृति
जोगाउनु है ।
यत्ति कहेँनी
सुखदुख बाँडौंला
दिदीबहिनी ।
दुर्गा अधिकारी भमरकोटे ।
© 2026 All right reserved to janaaakash.com | Site By : SobizTrend
