बुधबार, भाद्र २४ २०८३ | Wednesday 9th September 2026 
जन आकाश
काठमाडौं । ताप्लेजुङको सदरमुकाम फुङलिङ बजारमा भिषण आगलागी भएको छ । फुङलिङ नगरपालिका–४ कोप्चेमा शुक्रवार बिहान आठ बजेतिर आगालागी भएको छ ।
आगोले दुई वटा घरमा क्षति पुगेको र नियन्त्रणमा आइसकेको छ । त्यहाका प्रमुख जिल्ला अधिकारी महेश कुमार पोखरेलले जानकारी दिए । नगरपालिकाको दमकलको सहयोगमा सेना, सशस्त्र र नेपाल प्रहरीको टोली आगो निभाउन खटिएका थिए । झण्डै दुईघण्टाको प¥यासमा आगो नियन्त्रण आएको थियो ।
‘बीच बजारमा आगो लागेकाले थप क्षति नहोस् भनेर अन्य दमकल झिकाउने गरी तयारी भइरहेको छ,’ प्रजिअ पोखरेलले भने ।
मासु पसल नजिकैको एक घरबाट अचानक आगलागी सुरु भएको थियो । जस्ताले छाएको घरमा आगलागी भएका कारण आसपासका घरसमेत जोखिममा परेका छन् ।
ताप्लेजुङ हरेक वर्ष आगलागीको चपेटामा पर्दै आएको छ । गत वर्ष फागुन १८ गते दोभान बजारमा आगलागी हुँदा चालीस बढी घर जलेका थिए ।
© 2026 All right reserved to janaaakash.com | Site By : SobizTrend
