शुक्रबार, साउन ८ २०८३ | Friday 24th July 2026 
जन आकाश
काठमाडौं । नेपाली कांग्रेसका विचारक नेता प्रदीप गिरीको ७५ वर्षको उमेरमा निधन भएको छ । ललितपुरस्थित मेडिसिटी अस्पतालमा उपचारका क्रममा उनको निधन भएको हो ।
गिरीको पार्थिव शरीर श्रद्धाञ्जलीका लागि आइतबार दिउँसो पार्टी केन्द्रीय कार्यालय सानेपामा राखिने भएको छ । त्यसअघि बिहान ९ बजेदेखि ११ बजेसम्म मेडिसिटी अस्पतालको शिवालयमा पार्थिव शरीर श्रद्धाञ्जलीका लागि राखिने छ । त्यसपछि पार्थिव शरीर कांग्रेस केन्द्रीय कार्यालय सानेपामा राखिनेछ ।
बिहान साढे ११ बजेदेखि दुई बजेसम्म श्रद्धाञ्जलीका लागि सानेपामा राखेपछि अन्त्येष्टिका लागि पशुपति आर्यघाटमा लगिने नेपाली काँग्रेस पार्टी कार्यलयले जानकारी दिएको छ ।
प्रतिनिधिसभा सदस्य गिरिको दुई सातादेखि मेडिसिटी अस्पतालमा उपचार भइरहेको थियो । भारतमा घाँटीको सफल शल्यक्रिया गरेर नेपाल आएका गिरीलाई निमोनिया भएपछि मेडिसिटी अस्पताल भर्ना गरिएको थियो ।
गिरी नेपालमा प्रजातान्त्रिक धारका बौद्धिक, निष्ठावान, त्यागी, इमानदार नेताको रुपमा चिनिन्थे ।
© 2026 All right reserved to janaaakash.com | Site By : SobizTrend
