श्री गणेशको महापुजा भव्य हुदै, कमलादी गणेशस्थानमा श्रद्धालुहरुको भीड

जन आकाश
बुधबार, भाद्र १५ २०७९

काठमाडौ । आज श्री गणेशको जन्मदिन रुपमा लिइन्छ । आजको दिन बिभिन्न गणेश मन्दिरहरुमा गणेशको भव्य पुजा गर्ने चलन रहदै आएको छ । काठमाडौको कमलादीस्थित सवैभन्दा पुरानो गणेशको मन्दिर भएको हुनाले आजकै दिन अर्थात श्री गणेशको जन्म दिनलाई विशेष पुजा गरेर मनाउने गरिदै आएको छ ।

परापूर्वकालदेखि नै पुजा आज गर्दै आएको गणेशस्थसानमा बिशेष पुजा नै गरेर मनाउने निर्णय गरी यो भन्दा चारबर्ष अगाडीवाट कमलादीस्थित गणेशस्थानमा महापुजा गर्न थालिएको थियो । यो बर्ष श्री गणेशको चौथो महापुजा चलिरहेको छ ।

महापुजा गरी पुण्य कमाउन बिहानै देखि भक्तजनहरुको घुइचो लागेको छ । उक्त क्षेत्रलाई व्यवस्थित गर्न नेपाल प्रहरी, ट्राफिक प्रहरी श्री गणेश मन्दिर गुठीका स्व्यम सेवकहरु त्यहा खटिएका देखिन्छन् ।