मसिंर ४ को निर्वाचनमा असल, योग्य, दक्ष नेतृत्व छानौ 

गणतन्त्र सम्मको परिवर्तन भनेर धेरैवटा लडाई लडेका नेपालीले अहिलेसम्म थुप्रै परिवर्तन नेपाली जनताले ल्याए तर परिवर्तन पछि जनताको जीवनस्तरमा ल्याउनु पर्ने कुशल नेतृत्व भने नेपालले कहिल्यै पाएको छैन । यस्तै ५ बर्षमा आउने निर्वाचनमा लाईन बसेर पटक पटक मतदान गर्ने जनताले जानी जानी हो वा भुलवस तिनै असफल भईसकेका नेतृत्वहरुलाई नै मतदान गरेको जस्तो देखिन्छ ।

जसले गर्दा नेपाली जनताले अहिलेसम्म परिवर्तनको महसुस गर्न पाएका छैनन् । यस्तो अवस्था आउदा पनि पटक पटक तिनै असफल भइसकेका पात्राहरुले निर्वाचनमा किन बिजय हाशिल गर्छन जस्ता प्रश्नहरु पनि उठेका छन् । कसै कसैले त मतदान पेटिका फेरवदल गरेर निर्वाचन जित्छन् जस्ता आरोपहरु पनि वेला वेलामा लाग्ने गरेको छ । लोकतान्त्रिक गणतन्त्रमा यस्तो भएको हो भने नेपालमा लोकतन्त्र छैन भन्ने हुन्छ ।

यदि त्यस्तो भएको होइन रहेछ भने जनताले विगतमा तिनै असफल भइसकेकालाई अवत सुध्रिन्छकि भन्दै पटक पटक मतदान गरेर जिताउदै पठाउदा देशको अवस्था झनझन बिग्रान पुगेका छन् । यी यस्ता विगतका विजयी भएका नेतृत्वहरुले जनता र देशको काम गर्न नसकेका कारणहरुवाट नेपालका नागरिकहरुले आउदै गरेको २०७९ मंसिर ४ गते हुन गइरहेको प्रतिनिधिसभा र प्रदेशसभाको निर्वाचनमा असल, योग्य लागेका पत्यारिलो आधार तयार अर्थात विश्वसनीय उम्मेद्धारहरुलाई निर्वाचनमा अमूल्य मतदान गरी आफ्नो नेतृत्व आफैले छान्ने काम आफैले गर्नुपर्ने जिम्मेवारी आईलागेको देखिन्छ ।

यस्तो महत्वपूर्ण जिम्मेवारी जनताको हातमा छ । आफ्नो अधिकार सही समग्र समाजको पक्षमा र देशको हितमा हुने पत्यारिलो आधार तयार गर्न सक्ने नेतृत्वलाई मात्र मतदान गरेर जनताले समग्र समाजको र देशको असल साशन, व्यवस्था लागु गरेर परिवर्तनको महसुस आफैलाई हुने गराउने नेतृत्वलाई बिजयी गराएर पठाएमा र वेला वेला नेतृत्वले गर्न नजानेका वा जानेर बाटोभन्दा बाहिर जान थाल्यो भने त्याहा भीर छ । भीरवाट लड्ने मात्रै हो काही पुगिदैन भनेर सचेत गराउने पनि जनताले नै हो । यस्तो जनताको विश्वसिलो आधार तयार गर्न सक्ने नेतृत्वलाई नै छान्न जनताले पनि सोचेका जस्तो समाजमा कुराहरु सुनिएका छन् । त्यो अत्यन्तै राम्रो पक्ष हो ।

यस्ता सर्वाधिकार जनतामा हुदाहुदै पनि लोकतान्त्रिक गणतन्त्र स्थापना जो कि विश्वमा लोकतन्त्र आफैमा अनुशासित व्यवस्था ठानिएको छ । यस्तो व्यस्था नेपालमा भने असफल हुदै जानु गलत नेतृत्व, अपरिपक्क नीति, कार्यन्यवन गराउने पक्ष फितलो भएको कारणले गर्दा नै नेपालको अवस्था गरिवी, अभाव, बेरोजगार जस्ता समस्या ज्यूका त्यू रहेका छन् ।

यस्ता समस्यालाई निरुपण गर्न असल, योग्य, सक्षम नेतृत्वले आउदो निर्वाचनमा प्रतिस्मर्धा गरेर पत्यारिलो आधार तयार गर्ने र देशको सम्भावना बोकेका क्षेत्रहरुलाई समेटेर दैनिक रुपमा देशको भविष्य नदेखि देशवाट पलायन भईरहेका युवापुस्तालाई नेपाललाई नै रोजगार सृर्जना गर्ने र नेपालका जति प्रकृतिले दिएका सुन्दर हिमाल, ताल, तलैया, झर्ना, पाहाड पखेरा छन् । त्यस्तै सुन्दर कामहरु पनि गरेर विश्वको अग्लो शिखर सगरमाथा उभिए जस्तै उत्कृष्ट सोच भएका नेपाली नेतृत्व नेपालमा हुन्छन् भन्ने प्रमाणित गर्न युवा नेतृव्वहरुले देशलाई विकासको गतिमा लान आट गनैपर्छ । त्यसको लागि जनताको मतदान महत्वपूर्ण छ । त्यसैले योग्य, दक्ष, अनुभवि, असल साशनको पक्षधरहरुलाई निर्वाचनमा मतदान गरी देशको भविष्यको सपना कोरौ ।