पत्रकार महासंघ उपत्यका प्रदेशले सञ्चार तथा सूचना प्रविधिमन्त्रीलाई बुझायो ज्ञापन पत्र

निरन्तर धर्ना गर्दै आएका पत्रकारहरुले आज विज्ञापन वोडको कार्यलयमा ताला लगाई दिउसो २ बजे सञ्चार तथा सूचना प्रविधि मन्त्री रेखा शर्मालाई भेटी ज्ञापन पत्र बुझाएका छन् । उपत्यका प्रदेश समिति अध्यक्ष श्रीजन झाको नेतृत्वमा काठमाडौ शाखाका अध्यक्ष सुर्य सुवेदी सहित सयौको संख्यामा पुगेका पत्रकारहरुले संयुृक्त रुपमा ज्ञापन पत्र बुझाएका हुन् ।

ज्ञापनमा यस्तो लेखिएको छ ।
श्री माननीय सञ्चार तथा सूचना प्रविधिमन्त्री ज्यू
सिंहदरबार, काठमाडौं ।

विषयः ज्ञापन पत्र

विज्ञापन बोर्ड नेपालले निर्णय कार्यान्वयन गर्ने सम्बन्धमाु विषयमा मिति २०८०/०१/३१ को पत्रमार्फत नेपाली सञ्चारमाध्यमलाई प्रदान गर्ने लोककल्याणकारी विज्ञापन वापतको सुविधा
कटौती गरेकोप्रति हाम्रो गम्भीर ध्यानाकर्षण भएको छ ।

नेपाल पत्रकार महासंघ उपत्यका प्रदेश समिति देशकै बहुसंख्यक स्वरोजगारमुखी हकहित, वाक तथा अभिव्यक्ति स्वतन्त्रताको पक्षमा वकालत गर्दै आएकोमा पछिल्लो पटक सञ्चारमाध्यम र सञ्चारकर्मी रहेको प्रदेश समिति हो । समितिले प्रेस स्वतन्त्रता, श्रमजीवीको बोर्डले गरेको निर्णयका विरुद्ध प्रदेश समिति सडक आन्दोलनमा उत्रन समेत बाध्य भएको जानकारी गराउँदछौं ।

समितिले बोर्डको निर्णय सच्याउन माग गर्दै मिति २०८०/२/६ गते प्रेस विज्ञप्ति नै जारी गरेर माग गरेको थियो । नेपाली सञ्चारजगतको अगुवाई गर्दै राखेको मागको कुनै सम्बोधन गर्ने चेष्टा समेत नभएपछि मिति २०८०/२/७ र ८ गते पूर्वघोषित कार्यक्रम अनुसार बोर्डको कार्यालयमा धर्ना तथा विरोध कार्यक्रम भयो ।

शान्तिपूर्ण धर्ना कार्यक्रमबाट दबाब सिर्जना गर्दा पनि माग सम्बोधनमा कुनै चासो नदेखाएसँगै सञ्चारकर्मीद्वारा आज बोर्ड अध्यक्ष लक्ष्मण हुमागाईंको कार्यकक्षमा तालाबन्दी गरिएको जानकारी गराउँदछौं । दबाब र धर्ना कार्यक्रम राख्दा पनि मागको सम्बोधन गर्न अभिरुची नदेखाउने बोर्ड नेतृत्वले नेपाली सञ्चारजगतको हितमा काम गर्न सक्दैन भन्ने हाम्रो ठम्याई समेत रहेको छ ।

सुरुवाती चरणदेखि विवादित काम गर्दै आएको बोर्डले कुनै न कुनै बहानामा मिडियालाई सहज वातावरण नबनाई दुःख दिने मात्र काम गरेको समेत अवगत गराउन चाहन्छौं । तसर्थ, हाम्रा मागहरुको तत्काल सम्बोधन हुने विश्वाससहित तीन बुँदे माग पत्र बुझाउन चाहन्छौं । मागको उचित सम्बोधन नभए थप आन्दोलनमा उत्रन बाध्य हुने पनि जानकारी गराउँदछौं ।

मागहरुः
१० बोर्डको मिति २०८०/०१/३१ गतेको सूचना अनुसारको लोककल्याणकारी विज्ञापन बापतको रकम कटौती गर्ने निर्णय तत्काल खारेज गर्न र तत्काल निकासा गरी वर्तमान असहज स्थितिको अन्त्य गर्न माग गर्दछौं ।

२० विज्ञापन बोर्डलाई निष्पक्ष, प्रभावकारी र सञ्चारमैत्री काम गर्ने संस्था बनाउन माग गर्दछौं ।

३० हालै मन्त्री परिषदले समानुपातिक विज्ञापन वितरण प्रणालीको विषयमा गरेको निर्णय कार्यान्वयन गर्न माग गर्दछौं ।

पत्रकार महासंघ उपत्यका प्रदेश समितिले ज्ञापन पत्रमा उल्लेख गरको पत्र जस्ताको तस्तै प्रकाशन गरिउको छ । यस आन्दोलनमा जन आकाश मिडियको पनि एक्यबद्धता रहेको छ ।