बुधबार, भाद्र २४ २०८३ | Wednesday 9th September 2026 
जन आकाश
धनगढी । अविरल वर्षापछि पहिरो जाँदा केआईसिंह राजमार्ग अवरुद्ध भएको छ ।
राजमार्गको डडेलधुराको गन्यापधुरा गाउँपालिका वडा नम्बर २ रडुवामा पहिरो खस्दा यातायात सेवा अवरुद्ध भएको हो । शनिबार रातिदेखि लगातार रुपमा आइरहेको वर्षाले गर्दा अवरुद्ध पहिरो हटाउन समस्या भएको प्रहरीले जनाएको छ । सडक अवरुद्ध हुँदा दुईतर्फी बाटो बन्द भएको डडेल्धुराका प्रहरी नायब उपरीक्षक (डिएसपी) मनोहरप्रसाद भट्टले जानकारी दिए । वर्षा नरोकिएको हुँदा पहिरो हटाउन नसकिएको उनको भनाइ छ ।
प्रहरीका अनुसार राजमार्गको माथिबाट पहिरोले ढुङ्गा र रुखहरू बगाएको छ । वर्षा नरोकिएको र पहिरो जाने क्रमसमेत जारी रहेकाले सडक मर्मतको काम सुरुसमेत भएको छैन । वर्षा रोकिएपछि मर्मतको काम सुरु गर्ने प्रहरीले जनाएको छ ।
तीन पहाडी जिल्ला डोटी, अछाम र बाजुरा जोड्ने राजमार्ग अवरुद्ध भएपछि आवतजावत रोकिएको छ । सडक अवरुद्ध हुँदा यात्रुहरू अलपत्र परेका छन् ।
© 2026 All right reserved to janaaakash.com | Site By : SobizTrend
