शुक्रबार, साउन ८ २०८३ | Friday 24th July 2026 
जन आकाश
काठमाडौं । सामान्यतया डेंगु एडिज जातको पोथी लामखुट्टेको टोकाइबाट संक्रमण हुने रोग हो । डेंगु भएको मान्छेलाई भाइरल ज्वरो आएँछ ।
खासगरी, सुरुवाती चरणमा ज्वरो आउने, आँखा रातो हुने र दुख्ने, टाउको, पेट, जोर्नी र मांसपेशी दुख्ने, आलस्य हुनेजस्ता डेंगुका लक्षण हुन् । डेंगुको खास उपचार भने छैन् । उच्च ज्वरो आएमा कम गर्न पारासिटामोल खाने, पानी तथा झोलिलो तथा पोषिलो खानेकुरा प्रशस्त मात्रामा खाने, र आराम गर्ने डेंगुको उपचार हो । डेंगुबाट बच्न लाखुट्टेको टोकाइबाट बच्ने, घरवरिपरि पानी जम्न नदिने, सरसफाइमा ध्यान दिने , लामो बाहुला भएको वा शरीर ढाक्ने लुगा लगाउने र राति सुत्दा झुल लगाएर सुत्ने गर्नुपर्दछ ।
यदि डेंगु लागेको छ भने अन्य औषधिहरू जथाभावी प्रयोग गर्नु हुँदैन । पानी धेरै खाने, अरू वेलाभन्दा यो वेला शरीरमा पानी कम हुने हुदाँ तीन–चार लिटर पानी बढी खाने गर्नुपर्दछ । त्यस्तैगरी, धेरै मसाला, चिल्लो भएका खानेकुरा नखाने , झोलिलो खानेकुरा प्रशस्त खाने, बालबालिका तथा वृद्धवृद्धालाई लामखुट्टे आउने ठाउँमा नपठाउने र नराख्ने र लामखुट्टे भगाउने खालका मलम छालामा लगाइदिने गर्नुपर्दछ ।
© 2026 All right reserved to janaaakash.com | Site By : SobizTrend
