रा सु म नेको नयाँ वर्ष २०८० क‍ो शुभकामना आदानप्रदान

नयाँ वर्षको शुभकामना विशेष सुसेली गायन र वाचन कार्यक्रममा उपस्थित २६ जना उत्कृष्ट सुसेली सर्जक कवि साहित्यकारहरूले त्रिपदीय नेपाली लोकलय, पुर्वीय, पश्चिमी, काँठे भाका, भजन र लोकभाका लगायत फरकफरक लयमा आउँदै गरेको नयाँ वर्ष २०८० को शुभकामना सुसेलीमा गायन र वाचन गर्दै आ-आफ्ना रचना प्रस्तुत गर्नु भएको थियो ।

कार्यक्रममा विशिष्ट अतिथि कलानिधी दाहालले सुसेली लेख्न सरल पनि छ र कठिन पनि छ र अहिले आएर सबैका सुसेली रचनाहरू  काव्यात्मक रुपमा विम्ब प्रधान हुँदै आएकोमा खुसी व्यक्त गर्दै उपस्थित हरेक कविहरूलाई एकएक गरि नयाँ वर्षको शुभकामनाका साथै आफूले रचना गर्नुभएका नयाँ वर्ष सम्बन्धि शुभकामना सुसेलीहरू लयमा गाएर सुनाउनुभयो ।

यसैगरी अर्का विशिष्ट अतिथि गंगा लिगलले नयाँ वर्षको अौचित्य सहित शुभकामना व्यक्त गर्नुभयो । नयाँ वर्षमा प्रकृतिले पनि नयाँ पालुवा फेर्ने याम हो यसैले नयाँ वर्ष सान्दर्भिक छ  भन्दै आफूले रचना गरेका १० वटा नयाँ वर्ष विशेष सुसेली वाचन गर्नु भयो ।

आजको यो विशेष दिनमा दुईजना विशिष्ट अतिथि कविहरू कलानिधि दाहाल र वरिष्ठ साहित्यकार नारी हस्ताक्षर गंगा लिगल सहित २६ जना अतिथि कवि साहित्यकारहरूलाई कार्यक्रममा स्वागत गर्दै सुन्दर शुभकामना सुसेलीहरू सुन्ने र सुनाउने अवसर पाएकोमा अत्यन्तै हर्ष लागेको र उत्कृष्ट कविहरूको उपस्थितिले कार्यक्रम भव्य र सभ्य हुँनुका साथै कविहरूले आफ्ना सुसेली सिर्जनाहरू सहज तवरमा सुनाउने अवसर पाउँनु भएको र नयाँ वर्ष प्रति समर्पित सुसेली गायन अत्यन्तै मन छुने हुनुका साथै उत्कृष्ट सुसेलीहरू प्रस्तुत गर्नुहुने सबै कविहरूमा धन्यवाद सहित आभार प्रकट गरेर सभापति भमरकोटेले कार्यक्रमलाई भव्य तथा सभ्य तवरमा सम्पन्न गर्न सहयोग गर्ने सबैलाई धन्यवादका साथै सुसेली मञ्चको छैटौं वार्षिकोत्सब बैशाख २५ गते मातातीर्थ अौसीका दिन सबैको उपस्थितिको अपेक्षा राख्दै

शुभकामना
नयाँ वर्ष एकासी
आयो आँगन ।

साथै थप चारवटा शुभकामना सुसेली गाउँदै कार्यक्रमको समापन गर्नुभयो ।

नयाँ वर्षको शुभकामना आदानप्रदान विशेष कार्यक्रममा सुसेली वाचन गायनमा सरिक सहभागी अतिथि कवि साहित्यकारहरू निम्न अनुसार हुनुहुन्छ । कवि सुरेशचन्द्र घिमिरे, घनश्याम पौडेल, लक्ष्मीप्रसाद मिश्र, कल्पना भट्टराई, रामशरण न्यौपाने, उत्तम विचार भेटवाल,, विमुन्स पौडेल, चन्द्रा न्यौपाने, जानुका थापा रायमाझी, सफलता न्यौपाने, टेकबहादुर लौंडारी, वासुदेव ठकुरी, द्वारिका कुइकेल,सुचिता काफ्ले, डिल्लीप्रसाद मूलतिहुन, रमा आचार्य, सालिकराम दाहाल, शारदा आचार्य, सावित्री गेलाल ।

समाचारको स्रोत:दुर्गा अधिकारी भमरकोटे ।