सोमबार, कार्तिक १७ २०८३ | Monday 2nd November 2026 
जन आकाश
बिनोद नेपाली
काठमाडौं– दैलेख जिल्लाको दुल्लु नगरपालिकामा रहेको दुल्लु अस्पतालमा विशेषज्ञ डाक्टरद्वारा दाँतको उपचार सेवा सञ्चालनमा आएको छ ।
पुस १९ गते एक कार्यक्रमको आयोजना गरी यो सेवाको औपचारिक उद्घाटन दुल्लु नगरपालिकाका प्रमुख भरत रिजालले गरेका हुन् । उद्घाटन कार्यक्रममा स्थानीय जनप्रतिनिधि, स्वास्थ्यकर्मी, तथा विभिन्न सरोकारवालाहरूको उपस्थिति रहेको थियो ।
दुल्लु नगरपालिकाको आर्थिक सहयोग र कर्णाली प्रदेश सामाजिक विकास मन्त्रालयअन्तर्गत दन्त चिकित्सकको सहकार्यमा सेवा सुरु भएको अस्पताल प्रशासनले जनाएको छ ।
यस सेवाबाट दैलेख जिल्लामा बसोबास गर्ने सर्वसाधारणलाई गुणस्तरीय दन्त उपचार पहुँचमा पुग्ने अपेक्षा गरिएको नगर प्रमुख भरत रीजालले बताएका छन् । उनले दन्त समस्या झेलिरहेका बिरामीहरूका लागि अब विशेषज्ञस्तरको सेवा लिन अन्यत्र जानुपर्ने बाध्यता हट्ने विश्वास लिएका छन् ।
© 2026 All right reserved to janaaakash.com | Site By : SobizTrend
