मंगलबार, कार्तिक १८ २०८३ | Tuesday 3rd November 2026 
जन आकाश
काठमाडौं । दोस्रो विश्वयुद्धको समाप्तिको ७० औं वार्षिकोत्सवको अवसरमा चीनले राजधानी बेइजिङमा भव्य सैनिक परेड आयोजना गरेको छ। यस अवसरमा दर्जनौं मुलुकका राष्ट्रप्रमुख तथा सरकार प्रमुखहरूको सहभागिता रहेको थियो।
परेड बिहीबार बिहान ६:४५ बजे सुरू भई साढे ८ बजे सम्पन्न भयो। हजारौं सैन्यकर्मीहरूको सहभागिता रहेको परेडको उद्घाटन चीनका राष्ट्रपति सी चिनफिङले सम्बोधनमार्फत गरेका थिए।
उक्त कार्यक्रममा रूसी राष्ट्रपति भ्लादिमिर पुटिन, उत्तर कोरियाका सर्वोच्च नेता किम जोङ उन लगायत विश्वका विभिन्न मुलुकका उच्चस्तरीय नेताहरू उपस्थित थिए।
परेडमा चीनको सैन्य क्षमताको प्रदर्शन स्वरूप अत्याधुनिक हतियारहरू, मिसाइल प्रणाली, जेट लडाकु विमान र स्वचालित सैन्य प्रविधिहरू समेत प्रदर्शन गरिएको थियो।
राष्ट्रपति सी चिनफिङले आफ्नो सम्बोधनमा शान्ति, सहकार्य र साझा सुरक्षाका मूल्यहरूको प्रतिवद्धता दोहोर्याउँदै युद्धबाट सिक्नुपर्ने पाठ र समकालीन विश्वमा सहकार्यको आवश्यकता औंल्याएका थिए।
चीनले यो परेडलाई अन्तर्राष्ट्रिय सम्बन्ध सुदृढ गर्ने अवसरका रूपमा प्रयोग गरेको देखिन्छ, जहाँ सैनिक शक्ति मात्र होइन, कूटनीतिक सन्देश पनि प्रस्तुत गरिएको छ।
© 2026 All right reserved to janaaakash.com | Site By : SobizTrend
