आइतबार, कार्तिक ९ २०८३ | Sunday 25th October 2026 
जन आकाश
काठमाडौं । ४ घण्टाभित्र विश्वासको मत लिन सर्वोच्च अदालतले परमादेश दिएपछि मधेस प्रदेशका मुख्यमन्त्री सरोज यादवले मंगलबार बिहानैदेखि कानुनी परामर्श गरिरहेका छन्।
७३ जना सांसदहरूले असंवैधानिक ढंगले यादवको नियुक्ति भएको भनी दायर गरेको रिट निवेदनमा सोमबार सर्वोच्च अदालतले आज साँझसम्म विश्वासको मत लिन परमादेश दिएको थियो।
‘मुख्यमन्त्रीज्यू बिहानैदेखि परामर्शमा हुनुहुन्छ। दलको बैठक त बोलाएको छैन। तर हामी आन्तरिक छलफलमा छौं,’ एमाले मधेस प्रदेश प्रमुख सचेतक हरिनारायण महतोले जानकारी दिए। उनका अनुसार प्रदेश सभा बैठक पनि बोलाइएको छैन।
जनमत पार्टीका प्रमुख सचेतक चन्दन सिंहले पनि प्रदेश सभा नबोलाइएको बताउँदै मुख्यमन्त्रीले राजीनामा गर्नुबाहेक अरू विकल्प नरहेको बताए।उहाँहरूसँग बहुमत छैन, राजीनामा दिनुबाहेक अरू सम्भावना देखेको छैनौं,’ उनले भने
एमालेका एक सांसदले पनि राजीनामाकै सम्भावना रहेको बताए। अदालतले सोमबार मौजुदा सरकार यथास्थिति नै रहने तर २४ घण्टाभित्र मुख्यमन्त्रीले विश्वासको मत लिनुपर्ने गरी परमादेश दिएको थियो।
विश्वासको मत पाउन नसकेको खण्डमा अर्को प्रावधानअनुसार सरकार गठन गर्न अघि बढ्नुपर्नेछ। चन्दन सिंहले संविधानको धारा १६८ ९२०अनुसार दुई वा दुईभन्दा बढी दलको समर्थनमै सरकार बन्ने बताए।
© 2026 All right reserved to janaaakash.com | Site By : SobizTrend
