शुक्रबार, साउन ८ २०८३ | Friday 24th July 2026 
जन आकाश
काठमाडौं– विश्व माटो दिवसको अवसरमा सन नेपाल लाईफ इन्स्योरेन्स कम्पनी लिमिटेडले सलाईहीमा व्यापक बृक्षरोपण अभियान सुरुवात गरेको छ । वातावरण संरक्षण र दीर्घकालीन सामुदायिक कल्याणलाई लक्षित गर्दै लुम्बिनी वल्र्ड पीस फोरम र चन्द्रनगर गाउँपालिका सँग सहकार्य र्गदै यो अभियान सुरु गरेको हो ।
सन नेपाल लाइफका प्रमुख कार्यकारी अधिकृत राज कुमार अर्याल, प्रमुख बजार अधिकृत गणेश चौलागाइ, मधेश प्रदेश प्रमुख नबराज चौधरी, वृक्षारोपण अभियानका अभियन्ता बासु गौतम र गाउँपालिकाका अध्यक्ष राज कुमार महतोले संयुक्त रूपमा कार्यक्रम उद्घाटन गर्दै उक्त कार्यक्रममा कम्पनीको मधेश प्रदेश अनतर्गतका विभिन्न शाखाका शाखा प्रमुख तथा अभिकर्ताहरुको उपस्थिति र स्थानीय सामुदायिक अगुवाहरू, विद्यालय प्रतिनिधि तथा सर्वसाधारणको उल्लेखनीय उपस्थितिमा शुक्रबार चन्द्रनगर गाउँपालिका २ स्थित श्री दुर्गा खोंभारी जनता माध्यमिक विद्यालयमा १ हजार ७ सय ५० बिरुवा रोपेर कार्यक्रमको पहिलो चरण सम्पन्न गरिएको हो ।
वक्ताहरूले मोरिङ्गा बिरुवाको उच्च औषधीय तथा पोषक मूल्यको चर्चा गर्दै वातावरणीय दिगोपनमा सामुदायिक साझेदारी अनिवार्य रहेको उल्लेख गरे। उनले आगामी दिनमा चन्द्रनगर गाउँपालिकाका अन्य वडाहरूमा पनि क्रमबद्ध रूपमा वृक्षारोपण कार्यक्रम सञ्चालन गर्दै जाने जानकारी दिए।
सन नेपाल लाइफ इन्स्योरेन्सले सामाजिक उत्तरदायित्व, वातावरणीय संरक्षण र दीर्घकालीन सुरक्षा संस्कृति प्रवद्र्धनलाई संस्थागत प्राथमिकतामा राख्दै देशभर यस्ता गतिविधिहरूलाई विस्तार गर्दै आएको छ ।
हालै सन नेपाल लाइफले देशभरी १४८ शाखा तथा उप–शाखाबाट जीवन बीमा सम्बन्धी सुविधा दिँदै आइरहेको छ ।
© 2026 All right reserved to janaaakash.com | Site By : SobizTrend
