बिहिबार, भाद्र २५ २०८३ | Thursday 10th September 2026 
जन आकाश
काठमाडौं । सरकारले महान्यायाधिवक्तामा अधिवक्ता नारायण कँडेललाई नियुक्त गर्न सिफारिस गर्ने निर्णय गरेको छ।आइतबार कँडेललाई महान्यायाधिवक्तामा सिफारिस गरेको प्रधानमन्त्रीको प्रेस विज्ञ दीपा दाहालले जानकारी दिइन्।
साथै कँडेलले पनि आफूलाई सरकारले महान्यायाधिवक्तामा सिफारिस गरेको जानकारी प्राप्त भएको बताए।सरकारको सिफारिसमा राष्ट्रपतिबाट महान्यायाधिवक्ता नियुक्त गर्ने व्यवस्था छ। कँडेलले २०५० को दशकमा बागलुङबाट पत्रकारिता गरेका थिए। त्यसबेला उनी रेडियो नेपालका लागि काम गर्थे।साथै बागलुङमा पत्रकार महासंघको स्थापनामा उनको भूमिका थियो। उनी २०६० सालपछि वकालत पेसामा संलग्न भएका थिए।उनले नेपाल ल क्याम्पसबाट स्नातक गरेका छन्।
नेसनल युनिभर्सिटी अफ आयरल्यान्डबाट उनले पिस किपिङ अपरेशनमा स्नातकोत्तर गरेका छन्।मानव अधिकार क्षेत्रमा पनि उनले धेरै वर्ष काम गरे। उनले बेलायतको क्विन्स विश्वविद्यालयबाट कानुनमा विधावारिधि गरेका छन्। कँडेल पछिल्लो समय राष्ट्रिय स्वतन्त्र पार्टी ९रास्वपा०का सभापति रवि लामिछानेका वकिल थिए।
© 2026 All right reserved to janaaakash.com | Site By : SobizTrend
