शुक्रबार, साउन ८ २०८३ | Friday 24th July 2026 
जन आकाश
काठमाडौं । नबराज गौतमको जीवनमा परेको दर्दनाक बज्रपात—मायाको कथा जसले सबैको मन जित्ने बिश्वास गरिएको छ । गहिरो प्रेममा बाँधिएका दुई मुटु, जो एकअर्काबिना बाँच्नै नसक्ने अवस्थामा पुगेका थिए। तर समाज र परिवारको अस्वीकारले त्यो पवित्र सम्बन्धलाई स्वीकार्न सकेन। परिस्थितिले यस्तो मोड लियो कि नबराज गौतमकी प्रेमीकाले आफ्नो प्रेमलाई जीवनभर जिउन नपाउने निश्चित भएपछि एकाएक आफ्नो जीवन अन्त्य गरिन्।
यो दर्दनाक खबर सुन्नासाथ नबराज गौतम पूर्ण रूपमा विचलित बने। आफ्नो पीडालाई शब्द र सङ्गीतमार्फत व्यक्त गर्दै उनले हृदयविदारक गीतमार्फत आफ्नो भावना संसारसामु ल्याएका छन्।
यस मार्मिक गीतमा स्वर दिएका छन् लोकप्रिय गायक मोतिराज खनाल र चर्चित गायिका शान्तिश्री परियारले। गीतका शब्द स्वयं नबराज गौतमले लेखेका हुन् भने सङ्गीत पनि मोतिराज खनालकै रहेको छ। सङ्गीत संयोजन एरेन्ज महेन्द्र भण्डारीले गरेका छन्।मारुनी रेकर्डिङ स्टुडियोमा तयार गरिएको यस गीतको रेकर्डिङ सुमन रानाले गरेका हुन् भने मिक्सिङ कुमार रानाले सम्हालेका छन्।
गीतको भिडियो पक्ष पनि उत्तिकै सशक्त छ। नबराज गौतम र सरिता ढुंगाना सहित भगवान भण्डारी, चन्दा बिडारी, कमला भुजेल, गीता खनाल, सागर गिरी, सरिता लामा गुरुङ, कृष्टीना शाह, साइबृना थिङ, बिक्रम थापा र लक्ष्मण खड्काको दमदार अभिनयले कथालाई अझ जीवन्त बनाएको छ।
भिडियो निर्देशन चर्चित निर्देशक देबेन्द्र कुवरले गरेका छन् भने छायांकनको जिम्मेवारी दिपक गिरीले सम्हालेका छन्।
विशेष कुरा के भने, यो म्युजिक भिडियो मोतिराज खनाल अफिसियल युट्युब च्यानलमार्फत सार्वजनिक गरिएको हो, जसले दर्शकमाझ झनै व्यापक पहुँच बनाएको छ।
यो गीत केवल मनोरञ्जन मात्र होइन—यो प्रेम, पीडा र समाजको कठोर यथार्थको कथा हो, जसले दर्शकको मनमा गहिरो छाप छोड्ने निश्चित छ।
© 2026 All right reserved to janaaakash.com | Site By : SobizTrend
