शुक्रबार, साउन ८ २०८३ | Friday 24th July 2026 
जन आकाश
काठमाडौं । कर्णाली प्रदेशको स्वास्थ्य सेवामा नयाँ आशा थप्ने महत्वपूर्ण कदमस्वरूप सुर्खेतस्थित प्रदेश अस्पतालमा हेलिकप्टर अवतरण तथा उडान परीक्षण सफलतापूर्वक सम्पन्न भएको छ। यस परीक्षणले विशेषगरी दुर्गम तथा पहुँचबाट टाढा रहेका क्षेत्रका बिरामीहरूलाई आकस्मिक अवस्थामा छिटो र प्रभावकारी हवाई उद्दार सेवा उपलब्ध गराउन मार्ग प्रशस्त गर्ने विश्वास लिइएको छ।
कर्णाली प्रदेश भौगोलिक रूपमा विकट र दुर्गम भएका कारण यहाँका नागरिकले समयमै स्वास्थ्य सेवा पाउन कठिनाइ भोग्दै आएका छन्। यस्तो अवस्थामा हेलिकप्टरमार्फत बिरामीको उद्धार तथा स्थानान्तरण गर्न सकिने व्यवस्था हुनु प्रदेशकै लागि ठूलो उपलब्धि मानिएको छ।
प्रदेश अस्पतालमा सम्पन्न यस परीक्षण सफल भएपछि अब आकस्मिक अवस्थामा दुर्गम गाउँबस्तीबाट बिरामीलाई छिटो अस्पतालसम्म ल्याउन सहज हुने अपेक्षा गरिएको छ। यसले धेरैको ज्यान बचाउन मद्दत पुग्ने विश्वास गरिएको छ।
स्थानीय बासिन्दा तथा सरोकारवालाहरूले यस उपलब्धिलाई कर्णाली प्रदेशका लागि गौरवको विषयका रूपमा लिएका छन्। उनीहरूका अनुसार यो कदमले स्वास्थ्य सेवामा नयाँ अध्याय सुरु गर्नेछ र जनतामा ठूलो आशा र खुसी छाएको छ।
यस उपलब्धिले कर्णालीका नागरिकहरूमा सकारात्मक सन्देश फैलाएको छ भने आगामी दिनमा स्वास्थ्य सेवाको पहुँच अझ प्रभावकारी र सहज हुने अपेक्षा गरिएको छ।
© 2026 All right reserved to janaaakash.com | Site By : SobizTrend
