शुक्रबार, साउन ८ २०८३ | Friday 24th July 2026 
जन आकाश
काठमाडौं । डिजिटल बैंकिङलाई अझ सहज र छिटो बनाउनका लागि एनएमबी बैंकले नेपाल सरकारको सूचना प्रविधि विभागसँग सम्झौता गरेको छ। यो नयाँ सहकार्यपछि अब एनएमबी बैंकका ग्राहकहरूले नागरिक एप मार्फत अनलाइन बैंकिङ फर्महरू सजिलै भर्न सक्नेछन्।
यसले गर्दा आफ्नो व्यक्तिगत विवरणहरू बारम्बार हातले टाइप गरिरहनु पर्ने झन्झट हट्ने, कागजी काम कम हुने र बैंकको काम सहज र छिटो हुने बताइएको छ। ग्राहकहरूको गोप्य जानकारीको सुरक्षामा पूर्ण ध्यान दिँदै ग्राहकहरू आफैँले आफ्नो नागरिक एपबाट विवरण हेर्ने अनुमति नदिएसम्म बैंकले विवरणहरू हेर्न वा प्रयोग गर्न पाउने छैन।
साथै, सबै जानकारी जुन कामका लागि मागिएको हो, त्यसमै मात्र प्रयोग हुनेछ।देशको बढ्दो डिजिटल सार्वजनिक पूर्वाधारलाई प्रयोग गर्दै नेपालभरिका नागरिकहरूका लागि बैंकिङ सेवालाई अझ सुरक्षित, सरल र झन्झटमुक्त बनाउने प्रयासमा यो एउटा ठूलो कदम रहेको बैंकको भनाइ छ।
© 2026 All right reserved to janaaakash.com | Site By : SobizTrend
