बुधबार, साउन २० २०८३ | Wednesday 5th August 2026 
जन आकाश
काठमाडौं । नेपाल टेलिकमले विभिन्न सेवाको महसुल तिर्न बाँकी रहेका ग्राहकहरूलाई लक्षित गर्दै बक्यौता महसुलमा छुटको व्यवस्था गरेको छ। कम्पनीले ग्राहकलाई सहज रूपमा बक्यौता भुक्तानी गर्न प्रोत्साहित गर्ने उद्देश्यले सीमित अवधिका लागि छुट सुविधा उपलब्ध गराएको जनाएको छ।
नेपाल टेलिकमद्वारा जारी सूचनाअनुसार तोकिएको अवधिभित्र बक्यौता रकम भुक्तानी गर्ने ग्राहकहरूले कम्पनीले निर्धारण गरेको मापदण्डअनुसार छुटको सुविधा प्राप्त गर्न सक्नेछन्। छुटको व्यवस्था सेवा नियमित गर्न, ग्राहकलाई आर्थिक राहत प्रदान गर्न तथा बक्यौता व्यवस्थापनलाई प्रभावकारी बनाउने उद्देश्यले गरिएको कम्पनीले जनाएको छ।
टेलिकमले छुट सुविधाको लाभ लिन इच्छुक ग्राहकलाई तोकिएको समयसीमाभित्र नजिकको नेपाल टेलिकम कार्यालय वा कम्पनीले उपलब्ध गराएका डिजिटल माध्यममार्फत महसुल भुक्तानी गर्न आग्रह गरेको छ।
कम्पनीका अनुसार छुटसम्बन्धी विस्तृत जानकारी नेपाल टेलिकमका सेवा केन्द्र, ग्राहक सेवा तथा कम्पनीले सार्वजनिक गरेको सूचनामार्फत प्राप्त गर्न सकिनेछ। नेपाल टेलिकमले आफ्ना ग्राहकलाई उपलब्ध गराइएको यो अवसरको अधिकतम उपयोग गर्दै समयमै बक्यौता महसुल भुक्तानी गरी सेवा नियमित राख्न पनि अनुरोध गरेको छ।
© 2026 All right reserved to janaaakash.com | Site By : SobizTrend
